බුද්ධ රශ්මි වෙසක් කලාපය සංවිධානය කිරීම – අවසාන සාකච්ඡාව අග්රාමාත්ය ලේකම්ගේ ප්රධානත්වයෙන් රැස්වෙයි
බුද්ධ රශ්මි වෙසක් කලාපය ගැන අවසන් සාකච්ඡාව ඊයේ (20) අරලියගහ මන්දිරයේදී අග්රාමාත්ය ලේකම් ප්රදීප් සපුතන්ත්රී මහතාගේ ප්රධානත්වයෙන් පැවැත්වුණා.
මෙහිදී වැඩිපුරම කතාබහ කෙරුණේ වෙසක් කලාපයේ සංවිධාන වැඩ සහ ඒ කාලයේ විදුලිය, ඉන්ධන වගේ බලශක්ති භාවිතය ගැනයි.
වෙසක් උත්සවය වෙනුවෙන් ඉන්ධන සහ විදුලිය භාවිතයට
තිබුණු රජයේ රෙගුලාසි ටිකක් ලිහිල් කරන බවත් මෙහිදී දැනුම් දීලා තිබුණා. ඒ වගේම වෙසක් කලාපයේ වැඩ සාර්ථකව කරගෙන යන්න පත් කරපු කමිටු සහ නිලධාරීන් ගැන තොරතුරුත් හුවමාරු වුණා.
දැනට තියෙන ආර්ථික අර්බුදය නිසා, පසුගිය අවුරුදු වලට වඩා මේ සැරේ ඉන්ධන සහ විදුලිය අරපිරිමැස්මෙන් භාවිත කරන්න තීරණය කරලා තියෙනවා. ඒ අනුව අඩු වියදමකින්, ප්රතිපත්ති පූජාවට වැඩි තැනක් දෙමින්, ආමිස පූජාවෙන් ජනතාවගේ සිත් සතුටු වෙන විදිහට වෙසක් කලාපය අලංකාර කරන්න සැලසුම් කරලා තියෙන බව ගංගාරාම විහාරාධිපති ආචාර්ය පූජ්ය කිරින්දේ අස්සජි ස්වාමීන් වහන්සේ පැවසුවා.
ඒ වගේම මේ අවුරුද්දේ බුද්ධ රශ්මි වෙසක් කලාපය රාත්රී 7 ඉඳලා මධ්යම රාත්රී 12.30 වෙනකම් පැවැත්වෙන බවත් උන්වහන්සේ සඳහන් කළා.
මෙම සාකච්ඡාවට ගංගාරාම විහාරාධිපති ආචාර්ය පූජ්ය කිරින්දේ අස්සජි හිමි ඇතුළු ත්රිවිධ හමුදාව, පොලිසිය, සිවිල් ආරක්ෂක සේවාව, බන්ධනාගාර දෙපාර්තමේන්තුව, බලශක්ති හා ආරක්ෂක අමාත්යාංශ නියෝජනය කරන නිලධාරීන් පිරිසක් එක්වුණා.