ශ්‍රී ලංකා ටෙස්ට් ක්‍රිකට් කණ්ඩායමේ අනාගත බලාපොරොත්තුව
දකුණු අප්‍රිකාව සමඟ පැවැති ටෙස්ට් තරගාවලිය පරාජයට පත්වූ ශ්‍රී ලංකා කණ්ඩායම අද (11) පෙරවරුවේ කටුනායක ගුවන් තොටුපොළට පැමිණ තිබෙනවා.
එහිදී මාධ්‍ය වෙත අදහස් පළ කරමින් කණ්ඩායම් නායක ධනංජය ද සිල්වා ප්‍රකාශ කළේ, ඔස්ට්‍රේලියාව සමඟ පැවැත්වීමට නියමිත තරගාවලිය පිළිබඳව තමන් දැඩි බලාපොරොත්තු තබාගෙන සිටින බවයි.
දකුණු අප්‍රිකාව සමඟ පැවැති පළමු තරගයේ ප්‍රථම ඉනිම හැර සෙසු ඉනිම්වලදී තම කණ්ඩායම හොඳින් ක්‍රීඩා කළ බව ද ඔහු කියා සිටියා.
එරට පැවැති දුෂ්කර තත්ත්වයන් යටතේ තම කණ්ඩායම හොඳින් ක්‍රීඩා කළා.
තවමත් අපට ජාත්‍යන්තර ටෙස්ට් ක්‍රිකට් තරගාවලිය පිළිබඳ බලාපොරොත්තු තබා ගත හැකි බවයි ධනංජය සිල්වා වැඩිදුරටත් කියාසිටියේ.