ඊශ්‍රායලයේ නව ප්‍රහාරවලින් ගාසාවේ ළමුන් 322ක් මරණයට
සති දෙකකට පෙර ඊශ්‍රායලය විසින් ගාසා තීරයට නැවතත් ප්‍රහාරයක් දියත් කරන ලදී. එම ප්‍රහාරයක් ළමුන් 322 ක් මිය ගොස් ඇති බව එක්සත් ජාතීන්ගේ ළමා ඒජන්සිය පවසයි.
එම කාලය තුළ තවත් ළමුන් 609 දෙනෙකු තුවාල ලබා ඇති බව යුනිසෙෆ් සංවිධානය සඳහන් කරයි.
මාර්තු 18 වන දින ඊශ්‍රායලය විසින් ගාසා තීරයට සිය නවතම ප්‍රහාරය දියත් කරන ලදී.
මේ අතර සටන් විරාමය දීර්ඝ කර ගාසා තීරයේ මේවන විටත් සිරකරගෙන සිටින ප්‍රාණ ඇපකරුවන් 59 දෙනා නිදහස් කර ගැනීම සඳහා ඇමෙරිකාව නව යෝජනාවක් ගෙනාවේය.
නමුත් හමාස් සංවිධානය මෙය ප්‍රතික්ෂේප කළේය.
එබැවින් ඊශ්‍රායලය ඔවුන්ට දොස් පැවරුවේ යුද්ධය නිමා කිරීම ගැන හමාස් සංවිධානයට උනන්දුවක් නැති බව හඟවමිනි.
ප්‍රහාරවලින් මියගිය හා තුවාල ලැබූ දරුවන් හැරුණු විට තවත් බොහොමයක් දරුවන් අවතැන් වී ඇත. ඔවුන් තාවකාලික කූඩාරම්වල හෝ හානි වූ නිවාසවල නවාතැන් ගෙන සිටින බව වාර්තා වේ.
සඳුනි තිලකරත්න