මෝදිගේ සංචාරය නිසා වැසෙන පාරවල් මෙන්න
ඉන්දීය අග්‍රාමාත්‍ය නරේන්ද්‍ර මෝදීගේ ශ්‍රී ලංකා සංචරය හේතුවෙන් කොළඹ සහ ප්‍රදේශ කිහිපයක විශේෂ රථවාහන සැලැස්මක් ක්‍රියාත්මක කරන බව පොලිසිය පවසනවා.
ඒ අනුව අද (04) පස්වරු 6.00 සිට රාත්‍රී 10.00 දක්වා කොළඹ කටුනායක අධිවේගී මාර්ගය හා බේස්ලයින් මාර්ගය අවස්ථා කිහිපයකදී වසා තැබීමට නියමිතයි.
කටුනායක ජාත්‍යන්තර ගුවන්තොටුපොළ වෙත පැමිණෙන තැනැත්තන්ට මේ පිළිබඳව අවධානය යොමු කරමින් සිය ගමන් සැලැසුම් කරගන්නා ලෙසයි පොලිසිය ඉල්ලීමක් කළේ.
එමෙන්ම ගාලුමුවදොර, නිදහස් චතුරස්‍රය සහ බත්තරමුල්ල අපේ ගම පරිශ්‍රය යන ප්‍රදේශවල මාර්ග අවස්ථා කීපයකදී වසා තැබෙනු ඇති.
ඒ හේතුවෙන් සිදුවන අපහසුතාවය අවම කර ගැනීම සඳහා විකල්ප මාර්ග වෙත යොමු කිරීමට රථ වාහන අංශයේ පොලිස් නිලධාරින් වෙත උපදෙස් ලබාදී තිබෙනවා.
තව ද හයවැනිදා පෙරවරු 07.30ත් 10.30ත් අතර කාලයේ අනුරාධපුර නගරය, ජය ශ්‍රී මහා බෝධිය සහ දුම්රියපොළ ආශ්‍රිත ප්‍රධාන මාර්ග වරින්වර වසා තැබීමට නියමිතයි.