යාපනය ජාත්යන්තර ක්රිකට් ක්රීඩාංගණයේ ඉදිකිරීම් වහාම නවත්වන්න – මධ්යම පරිසර අධිකාරිය ශ්රී ලංකා ක්රිකට් ආයතනයට දන්වයි
යාපනය මණ්ඩතිව් ජාත්යන්තර ක්රිකට් ක්රීඩාංගණයේ ඉදිකිරීම් කටයුතු සිදුකිරීමට අදාළව පාරිසරික වාර්තාවක් ලබාගෙන නොමැති බවට හෙළිවීමත් සමඟ එහි ඉදිකිරීම් වහාම නතර කරන ලෙස මධ්යම පරිසර අධිකාරියේ අධ්යක්ෂ ජනරාල්වරයා විසින් ශ්රී ලංකා ක්රිකට් ආයතනයට ලිඛිතව දැනුම් දී තිබේ.
යාපනය මණ්ඩතිව් දූපතෙහි ඉදිකෙරෙන යාපනය ජාත්යන්තර ක්රිකට් ක්රීඩාංගණයේ ඉදිකිරීම් ජනපති අනුර කුමාර දිසානායක මහතාගේ ප්රධානත්වයෙන් ආරම්භ වුණේ පසුගිය වසරේ සැප්තැම්බර් මස (01) වැනිදායි.
දිගු කාලීන සැලැස්මක් යටතේ මණ්ඩතිව් දූපත ජාත්යන්තර මට්ටමේ පහසුකම්වලින් සමන්විත මෙම ක්රීඩා නගරය පිහිනුම් තටාකාංගණයක්, අනෙකුත් ක්රීඩාවලින් සමන්විත අංග සම්පූර්ණ ගෘහස්ථ ක්රීඩාගාරයක්, තරු පන්තියේ හෝටල් හා අවන්හල්, සුඛෝපභෝගී මහල් නිවාස, සාප්පු සංකීර්ණ මෙන්ම විනෝදාස්වාද මධ්යස්ථානවලින්ද සමන්විත වනු ඇත.
යාපනය ජාත්යන්තර ක්රිකට් ක්රීඩාංගණය අදියර හතරක් යටතේ ඉදි කිරීමට නියමිත අතර එහි පළමු අදියර ලෙස 40,000කට ආසන්න ප්රේක්ෂක සංඛ්යාවකට තරග නැරඹීමේ අවස්ථාව හිමි කරදෙමින් තරග පැවැත්විය හැකි මට්ටමට ක්රීඩාංගණය සහ ක්රීඩාගාරය ඉදිකෙරෙනු ඇත. දෙවැනි අදියර යටතේ ප්රධාන ප්රේක්ෂකාගාරය සහ මාධ්ය කුටියද, තෙවැනි අදියර යටතේ සෙසු ප්රේක්ෂකාගාර ඉදිකිරීමටද, අවසන් අදියරේදී විදුලි අලෝක පද්ධතිය ස්ථාපිත කිරීමටද නියමිතය. යාපනය, වෙලනෙයි ප්රාදේශීය සභාව විසින් ශ්රී ලංකා ක්රිකට් ආයතනය වෙත ලබා දී ඇති භූමියක ඉදි කෙරෙන මෙම ජාත්යන්තර ක්රිකට් ක්රීඩාංගණයේ වේ.