යතුරුපැදි සොරකමකට සම්බන්ධ සැකකරුවන් දෙදෙනෙකු අත්අඩංගුවට
යතුරුපැදි සොරකමකට සම්බන්ධ පුද්ගලයින් දෙදෙනෙකු අත්අඩංගුවට ගෙන තිබෙනවා.
ඒ, බස්නාහිර පළාත දකුණ අපරාධ කොට්ඨාසයේ නිලධාරීන් කණ්ඩායමක් විසින් අනාවරණය කරගත් තොරතුරු අනුව සිදුකළ වැටලීමකදී යි.
අත්අඩංගුවට ගත් සැකකරුවන් අවුරුදු 27 හා 31 යන වයස්වල පසුවන මාදම්පේ ප්‍රදේශයේ පදිංචිකරුවන් වනවා.
සැකකරුවන්ගෙන් සිදුකළ ප්‍රශ්න කිරීම්වලිදී ඔවුන් හෙට්ටිපොල හා කුලියාපිටිය පොලිස් වසම්වලදී සොරකම් කරන ලද යතුරුපැදි දෙකක් සහ අංක තහඩු රහිත තවත් යතුරුපැදියක් විමර්ශන නිලධාරීන් විසින් සොයා ගෙන තිබෙනවා.
සිද්ධිය සම්බන්ධයෙන් බස්නාහිර පළාත දකුණ අපරාධ කොට්ඨාසය විසින් වැඩිදුර විමර්ශන ක්‍රියාත්මකයි.