මත්පෙති තොගයක් සමඟ සැකකරුවන් දෙදෙනෙකු කල්පිටියේදී කොටු
අලෙවි කිරීමට සූදානම් කර තිබූ මත්පෙති 800ක තොගයක් සහ ත්‍රීරෝද රථයක් සමඟ සැකකරු දෙදෙනෙකු ඊයේ (16) අත්අඩංගුවට ගෙන තිබෙනවා.
ඒ, නාවික හමුදාව සහ කල්පිටිය පොලිසිය එක්වන එම නගරයේ සිදු කළ ඒකාබද්ධ සෝදිසි මෙහෙයුමකදීයි.
මෙම සැකකරුවන් වයස අවුරුදු 33ත් 49ත් අතර වන කල්පිටිය, පුදුකුඩුඉරිප්පු සහ එත්තාලෙයි යන ප්‍රදේශයන්හි පදිංචිකරුවන් බවට හඳුනාගෙන ඇති බව සඳහන්.
අත්අඩංගුවට ගත් සැකකරුවන් දෙදෙනා මත්පෙති තොගය සහ ත්‍රීරෝද රථය ඉදිරි නීතිමය කටයුතු සඳහා කල්පිටිය පොලීසිය වෙත භාරදීමට කටයුතු කර තිබෙනවා.