ත්‍රීරෝද රථයක් ප්‍රපාතයකට පෙරළෙයි
අඹු සැමි යුවලක් මරුට
මාතලේ මඩවල උල්පත නාරංගමුව ප්‍රදේශයේදී ත්‍රී රෝද රථයක් අඩි විස්සක පමණ ප්‍රපාතයකට පෙරලීමෙන් ත්‍රීරෝද රථයේ ගමන් කළ අඹුසැ‍මි යුවලක් ජීවිතක්ෂයට පත්ව තිබෙනවා.
ත්‍රීරෝද රථයේ රියදුරු, මියගිය අයගේ ලේලි සහ මිණිබිරිය අනතුරින් බරපතල තුවාල ලබා මාතලේ මහ රෝහලට ඇතුළත් කර ඇති බවයි මහවෙල පොලිසිය සඳහන් කළේ.
මාතලේ මිල්ලවාන ප්‍රදේශයේ මළගෙදරක ගොස් ආපසු එමින් සිටියදී මෙම අනතුර සිදුව තිබෙනවා.
මෙලෙස ජීවිතක්ෂයට පත්ව ඇත්තේ, 75 හැවිරිදි උකුවෙල – මාබේරිය ප්‍රදේශයේ මොහොමඩ් ඒබ්‍රහම් රිෂාඩ් සහ ඔහුගේ බිරිඳ වන 65 හැවිරිදි අබ්දුල් අයනුල් රාසම්මා යන අයයි.
ප්‍රපාතයට පෙරළුනු ත්‍රී රෝද රථය මතට ගලක් පෙරලීමෙන් මෙම මරණ සිදුව ඇති බවට පොලීසිය සැක පළකරනවා.
සිද්ධිය සම්බන්ධයෙන් මහවෙල පොලීසිය විසින් වැඩිදුර විමර්ශන ක්‍රියාත්මකයි.