24.01.2025 සිකුරාදා

රාහු කාලය

අද – 10.59 සිට 12.29 දක්වා
හෙට – 09.29 සිට 10.59 දක්වා

මේෂ

ශුභවාදී ඵලදෙයි. තම නිවස තරමක උත්සව ශ්‍රියාවක් මතු කරයි. ඥාති මිත්‍රාදීන්ගේ සුහදතාව වර්ධනය වෙයි. තරමක් මිල මුදල් වැය වෙයි. තරමක් ඍජු ගුණයෙන් දවස ක්‍රියාකරයි. සෙම් රෝග, සිරස රෝග මතු කරයි.

ශුභ වර්ණය – නිල්/ ජය අංකය – 01

වෘෂභ

ක්‍රියාකාරකම් බහුලය. ගමන් බිමන් යෙදෙන අතර විනෝද ජනක ක්‍රියා යෙදේ. නවක මිතුදම් ප්‍රේම සබඳතා වර්ධනය වෙයි. අලංකාරය සඳහා වැයපස ඉහළ යන දිනකි. ඉදිමුම් රෝග, සන්ධි පීඩාදෙයි.

ශුභ වර්ණය – සුදු/ ජය අංකය – 07

මිථුන

ශුභා ශුභ මිශ්‍රඵල ගෙනදෙයි. නව වැඩ ඇරඹීමට ශුභයි. සෞන්දර්ය ක්‍රියාවන්ගෙන් ජය ලබයි. සතුරු බලපෑම් එල්ලවන හෙයින් බුද්ධිමත්ව ක්‍රියාකළ යුතුය. දහමට ළැදිව කටයුතු කරයි. මුත්‍රා ආසාදන, උෂ්ණ රෝග මතුවේ.

ශුභ වර්ණය – කොළ/ ජය අංකය – 06

කටක

ක්‍රියාශීලී දිනකි. තරමක් අවිවේකී බවක් මතු කරයි. ගමන් බිමන් බහුල වෙයි. ආගමික වතාවත්, උත්සව සංවිධානයට හේතුයි. තරමක් වැය පස ඉහළ යන දිනකි. සිරස ගත රෝග මතු කරයි.

ශුභ වර්ණය – කහ/ ජය අංකය – 04

සිංහ

ශුභා ශුභ ඵලදෙයි. තරමක් හුදකලා ගති මතුකරයි. වැඩ රාජකාරිද බහුල වෙයි. සතුරු බලපෑම් එල්ල වෙයි. සුහදතා වර්ධන ක්‍රියාවන්හි යෙදෙන දිනකි. සෙම කෝප රෝග මතුකරයි.

ශුභ වර්ණය – තැඹිලි/ ජය අංකය – 05

කන්‍යා

ක්‍රියාශීලී දිනකි. ගමන් බිමන් යෙදෙන අතර නිශ්ඵල දේවලද යෙදේ. බුද්ධිමත්ව ක්‍රියාකළ යුතු අතර තම ආර්ථික වර්ධන කටයුතුවලද යෙදේ. හදිසි ධන වාසනා එල්ල වේ. වාතාධික රෝග මතු කරයි.

ශුභ වර්ණය – රන්වන්/ ජය අංකය – 06

තුලා

තරමක් කලකිරීම් මතු කරවන ප්‍රශ්න යෙදේ. තම රාජකාරිවලදී තරමක් බාධා එල්ල වෙයි. දුරදිග බලා ක්‍රියාකළ යුතු දිනකි. විනෝද ජනක ක්‍රියාවන්හි යෙදේ. මුත්‍රා ආසාදන රෝගවලට හේතුයි.

ශුභ වර්ණය – ළා රෝස/ ජය අංකය – 07

වෘශ්චික

ශුභා ශුභ මිශ්‍රඵල උදාකරයි. රාජකාරිවල ප්‍රබෝධමත්ව යෙදේ. තම ව්‍යාපාරවල දියුණුවක් පෙනේ. සමාජ සද්කාරක ක්‍රියාවන්ද යෙදේ. හදිසි ලාභ ලබයි. සන්ධි ප්‍රදාහ රෝග මතුවෙයි.

ශුභ වර්ණය – රතු/ ජය අංකය – 01

ධනු

ශුභා ශුභ ඵලදෙයි. දාන ශීලාදී ගුණධර්ම ගරුකරයි. ආගමික වතාවත්වල යෙදේ. නවක මිතුදම් ඇති වෙයි. වන්දනා ගමන්, විනෝද ගමන් යෙදේ. වැය ඉහළ යන දිනකි. බඩේ අමාරු, පිත මතුකරයි.

ශුභ වර්ණය – අළු පැහැය/ ජය අංකය – 02