හෙරොයින් ග්‍රෑම් 840ක් සමග සැකකරුවෙකු අත්අඩංගුවට
හෙරොයින් ග්‍රෑම් 840ක් සමග පුද්ගලයෙකු පොලිස් විශේෂ කාර්ය බලකාය විසින් අත්අඩංගුවට ගෙන තිබෙනවා.
ඒ, අද (19) අළුයම් කාලයේදී මොරගහහේන පොලිස් වසමේ කුඩා උඩුව ප්‍රදේශයේදී සිදුකළ මෙහෙයුමකදී යි.
අත්අඩංගුවට ගත් අදාළ සැකකරු ඩුබායි රාජ්‍යයේ සැඟව සිටින සංවිධානාත්මක අපරාධකරුවෙකුගේ හා මත්ද්‍රව්‍ය ජාවාරම්කරුවෙකු මත්ද්‍රව්‍ය ජාලය, මෙරට සිට මෙහෙයවනු ලබන බවට ද අනාවරණ වී තිබෙනවා.
සැකකරු 44 හැවිරිදි බුත්තල ප්‍රදේශයේ පදිංචිකරුවෙකු වනවා.
සැකකරු සන්තකයේ තිබී, මත්ද්‍රව්‍ය ප්‍රවාහනය කිරීමට යොදාගත් වාහනවලට සවි කිරීම සඳහා ව්‍යාජ ලෙස සකස් කරන ලද අංක තහඩු 04ක් සොයාගෙන ඇති අතර එම අංක තහඩුවලට අදාළ වාහන නොමැති බවටයි අනාවරණ වී ඇත්තේ.
එමෙන්ම එම අංක තහඩු වෙනත් වාහනයකට සවිකර කූඨ ලෙස කල්බදු ණය පහසුකම් ලබා ගෙන ඇති බවටත් හෙළි වී තිබෙනවා.
සැකකරු මොරගහහේන පොලීසියට භාරදීමටයි පොලිස් විශේෂ කාර්ය බළකා නිළධාරීන් පියවර ගෙන ඇත්තේ.
සිද්ධිය සම්බන්ධයෙන් පොලිස් විශේෂ කාර්ය බලකාය සහ මොරගහහේන පොලීසිය විසින් වැඩිදුර විමර්ශන ක්‍රියාත්මකයි.