පිත්තෙන් සහ පන්දුවෙන් දස්කම් පාන ලංකාවේ පොඩ්ඩියෝ
කාන්තා යොවුන් විස්සයි විස්ස ලෝක කුසලාන ක්‍රිකට් තරගාවලියේ මේ දක්වා පැවැති තරගවලින් වැඩිම ලකුණුලාභිනිය වීමට ශ්‍රී ලංකාවේ දැහැමි සනෙත්මා සමත්වී තිබෙනවා.
එහිදී ඇය තරග දෙකකදී රැස්කරගෙන ඇති ලකුණු සංඛ්‍යාව 86ක්.
දෙවන ස්ථානයේ පසුවන සංජනා කවින්දි ලකුණු 68ක් ලබාගෙන ඇති අතර තෙවන ස්ථානයේ රැඳි සිටින මනුධි නානායක්කාර රැස්කරගෙන ඇති ලකුණු සංඛ්‍යාව 51ක්.
මේ අතර තරගාවලියේදී වැඩිම කඩුලුලාභීනිය වීමට චමෝදි ප්‍රබෝධා සමත්වී ඇති අතර ඇය තරග දෙකකදී කඩුලු හයක් දවාගැනීමටයි සමත්ව ඇත්තේ.
එහි දෙවන ස්ථානයේ පසුවන ඔස්ට්‍රේලියාවේ කාඕයිම්හේ බ්‍රේ සහ තෙවන ස්ථානයේ පසුවන බංගලාදේශයේ ජනාටුල් මෞනා කඩුලු 05 බැගින් දවාගැනීමට සමත්වී තිබෙනවා.