ශ්‍රී ලංකා යොවුන් ක්‍රීඩිකාවන්ට ලකුණු 12ක විශිෂ්ට ජයක්
යොවුන් කාන්තා විස්සයි විස්ස ලෝක කුසලාන තරගාවලියේ සුපිරි හය දෙනාගේ වටයේ ඔස්ට්‍රේලියාව සමඟ පැවැති තරගය ලකුණු 12කින් ජයගැනීමට ශ්‍රී ලංකා කණ්ඩායම සමත් වුණා.
තරගයේ කාසියේ වාසිය දිනා ප්‍රථමයෙන් පන්දුවට පහර දුන් ශ්‍රී ලංකා කණ්ඩායම පන්දුවාර 20ක් තුළ කඩුලු 09ක් දැවි රැස්කරගත් ලකුණු සංඛ්‍යාව 99ක්.
එහිදී සංජනා කවින්දි ලකුණු 19ක් සහ සුමුදු කවින්දි ලකුණු 18ක් ලබාගැනීමටයි සමත් වුණේ.
පන්දුයැවීමේදී ලිලි බාසිග්ත්වෙයිට් කඩුලු 03ක් දවාගත්තා.
ජයග්‍රහණය සඳහා ලකුණු 100ක ඉලක්කයක් හඹා ගිය ඔස්ට්‍රේලියානු කණ්ඩායමට නියමිත පන්දුවාර 20 තුළ කඩුලු 08ක් දැවි ලබාගැනීමට හැකි වූයේ ලකුනු 87ක් පමණයි.
එහිදී Caoimhe Bray ලකුණු 27ක් ලබාගත්තා.
පන්දු යැවීමේදී චමෝදි ප්‍රබෝධා, ප්‍රමුධි මෙත්සරා සහ අසේනි තාලගුණේ කඩුලු දෙක බැගින් දවාගැනීමටයි සමත් වුණේ.