දේශීය සංචාරකයන්ට විශේෂ දැනුම්දීමක්
ජීවිත ආරක්ෂාව, පරිසරයේ ආරක්ෂාව සහ සංචාරක ස්ථානයේ ආරක්ෂාව පිළිබඳව සැලකිලිමත් වන ලෙසට දේශීය සංචාරකයන්ගේ විෂය භාර නියෝජ්‍ය අමාත්‍ය ආචාර්ය රුවන් රණසිංහ මහතා පවසනවා.
විදේශී සංචාරකයන්ට ද බාධා නොවන අයුරින් නිවාඩු සමය ගත කරන ලෙසයි ඔහු ඔවුන්ගෙන් ඉල්ලීමක් කළේ.
මේ වනවිට විදෙස් සංචාරකයින් ලක්ෂ දෙකකට අධික පිරිසක් දිවයිනේ විවිධ ප්‍රදේශවල සංචාරයේ නිතර වනවා.
එමෙන්ම දේශීය සංචාරකයින් ද වර්ෂ අවසානයේ නිවාඩු සමය ගත කිරීම සඳහා සංචාරක ස්ථාන කරා පැමිණීම ඉහළ ගොස් ඇති බවයි නියෝජ්‍ය අමාත්‍යවරයා පෙන්වා දෙන්නේ.
ඒ හේතුවෙන් එම ස්ථානවල අධික තදබදයක් ඇති බව ද වාර්තා වනවා.