ජනපති සහ වරාය ප්‍රධානීන් අතර විශේෂ සාකච්ඡාවක්
ජනාධිපති අනුර කුමාර දිසානායක මහතා සහ ප්‍රවාහන, මහාමාර්ග, වරාය සහ සිවිල් ගුවන්සේවා අමාත්‍ය බිමල් රත්නායක, නියෝජ්‍ය අමාත්‍ය හා වරාය ප්‍රධානීන් අතර විශේෂ සාකච්ඡාවක් මේ වනවිට පැවැත්වෙනවා.
ඒ, ජනාධිපති ලේකම් කාර්යාලයේදීයි.
එහිදී වරාය බහාලුම් තදබදය හේතුවෙන් මතුව ඇති ගැටලු සම්බන්ධයෙන් සාකච්ඡා කිරීමට නියමිත බව සඳහන්.
බහාලුම් ප්‍රවාහන රථ 800 – 1000ක් අතර ප්‍රමාණයක් නිදහස් කරගත නොහැකිව මේවන විට වරාය තුළ රඳවා ඇති බව බහාලුම් ප්‍රවාහන රථ හිමිකරුවන්ගේ සංගමය පසුගිය 09 වැනිදා මාධ්‍ය වෙත ප්‍රකාශ කළා.
වරාය අධිකාරිය සහ රේගු දෙපාර්තමේතුවේ කලමනාකාරීත්වයේ පවත්නා දුර්වලතා හේතුවෙන් මෙලෙස ආනයනික බහාලුම් රථ නිෂ්කාශනය ප්‍රමාදවීමට හේතු වී ඇති බවයි, එහි සභාපති සනත් මංජුල මහතා කියාසිටියේ.