මත්ද්‍රව්‍ය තොගයක් සමඟ සැකකරුවන් හය දෙනෙක් අත්අඩංගුවට
අයිස් කිලෝග්‍රෑමයක් ඇතුළු මත්ද්‍රව්‍ය තොගයක් සමඟ පුද්ගලයින් හය දෙනෙකු කහතුඩුව මූනමලේ වත්ත ප්‍රදේශයේදී අත්අඩංගුවට ගෙන තිබෙනවා.
එහි වටිනාකම කෝටි හතකරට අධික බවටයි තොරතුරු වාර්තා වන්නේ.
වයස අවුරුදු 16ත් 68ත් අතර පසුවන සැකකරුවන් කිරුළපන ප්‍රදේශයේ පදිංචිකරුවන් වනවා.
කහතුඩුව පොලිස් නිලධාරී කණ්ඩායමක් අපරාධ නිවාරණ රාජකාරියේ යෙදී සිටියදී සැකකටයුතු ත්‍රීරෝද රථයක් දැක එය නවත්වන ලෙසට සංඥා කර තිබෙනවා.
ඔවුන් අණ නොතකා ධාවන කර ඇති බව සඳහන්.
ඔවුන් පසුපස හඹා ගොස් එය නවත්වා පරීක්ෂා කිරීමේදී අදාළ මත්ද්‍රව්‍ය සොයාගෙන ඇති බවටයි තොරතුරු වාර්තා වන්නේ.
සිද්ධිය සම්බන්ධයෙන් වැඩිදුර විමර්ශන ක්‍රියාත්මකයි.