අහුංගල්ලේ වෙඩි තැබීමක්

අහුංගල්ල ත්‍රීරෝද රථ නැවතුම්පොළේ සිදු වූ වෙඩි තැබීමකින් පුද්ගලයෙකු බරපතළ තුවාල ලබා තිබෙනවා.

අද (09) පෙරවරු 6.00ට පමණ යතුරුපැදියකින් පැමිණි පුද්ගලයින් දෙදෙනෙකු විසින් ත්‍රීරෝද රථ රියැදුරෙකුට වෙඩි තබා පළා ගොස් ඇති බවයි පොලීසිය සඳහන් කළේ.

වෙඩි වැදීමෙන් බරපතල තුවාල ලැබූ අදාල ත්‍රීරෝද රථ රියැදුරු ප්‍රතිකාර සඳහා රෝහල්ගත කර තිබෙනවා.

සිද්ධිය සම්බන්ධයෙන් පොලීසිය විසින් වැඩිදුර විමර්ශන ක්‍රියාත්මකයි.