හිටපු ජනාධිපතිවරුන්ගේ ආරක්ෂාව අඩු කෙරේ
මහින්දගේ ආරක්ෂාව 116 සිට 60 අඩු කෙරේ
හිටපු ජනාධිපතිවරුන්ට ඇති ආරක්ෂක තර්ජන පිළිබඳ වාර්තා සමාලෝචනය කිරීමෙන් පසු ඔවුන්ගේ ආරක්ෂාව අඩුකර තිබෙනවා.
ඒ අනුව හිටපු ජනාධිපති මහින්ද රාජපක්ෂ මහතාගේ ආරක්ෂක අංශ සාමාජිකයන් ගණන 116 සිට 60 දක්වා අඩු කර ඇති බව සඳහන්.
එමෙන්ම මහින්ද රාජපක්ෂ මහතාට ලබාදී තිබූ ඩිෆෙන්ඩර් රථ තුනක් ද ඉවත්කර ගෙන ඇති බවයි වාර්තා වන්නේ.
හිටපු ජනාධිපති මෛත්‍රීපාල සිරිසේන මහතාගේ ආරක්ෂාව ද සාමාජිකයන් 51 දෙනෙකුට කට සීමා කර තිබෙනවා.
හිටපු ජනාධිපතිනි චන්ද්‍රිකා කුමාරතුංග මහත්මියගේ ආරක්ෂාව ද 58 දක්වා අඩු කර ඇති බව සඳහන්.
එමෙන්ම හිටපු ජනාධිපති රනිල් වික්‍රමසිංහ මහතාගේ ආරක්ෂාව ද ඉදිරියේදී කප්පාදු කිරීමට නියමිත බවයි දේශපාලන ආරංචි මාර්ග සඳහන් කළේ.