මාර්ග තදබදයක් ගැන පොලිසියෙන් දැනුම්දීමක්

දෙමටගොඩ පොලිස් වසමේ අද (25) පස්වරුවේ මාර්ග තදබදයක් ඇති විය හැකි බැවින් විකල්ප මාර්ග භාවිත කරන ලෙසට පොලිසිය රියදුරන්ගෙන් ඉල්ලීමක් කරනවා.

ඒ, ශ්‍රී විසුද්ධාරාම ලුනාව දේවාල මහා විහාරස්ථානයේ පැවැත්වෙන පෙරහැර හේතුවෙන්.

71 වන වරටත් පැවැත්වෙන මෙම පෙරහැර පස්වරු 06.00 සිට වීථි සංචාරය කිරීමට නියමිතයි.

එය නැරඹීම සඳහා විශාල පිරිසක් පැමිණෙනු ඇතැයි අපේක්ෂා කරන බැවින් විශේෂ රථ වාහන සැලැස්මක් ක්‍රියාත්මක කිරීමටයි පොලිසිය පියවර ගෙන ඇත්තේ.

මෙම පෙරහැර ශ්‍රී විසුද්ධාරාම ලුනාව දේවාල භූමියෙන් ආරම්භ වනවා.

එය සද්ධර්ම මාවත, ඛෙත්තාරාම පාර, අඩි 100 පාර, බේස්ලයින් පාර, ඔරුගොඩවත්ත හන්දිය, ස්ට්‍රේස් පාර, කොස්ගස් හන්දිය, ග්‍රෑන්ඩ්පාස් පාර, ඉඟුරුකඩේ හන්දිය, ඇප්රෝච් පාර, බණ්ඩාරනායක හන්දිය, බේස්ලයින් පාර, ඔරුගොඩවත්ත හන්දිය ඔස්සේ නැවත විහාරස්ථානය වෙත ගමන් කිරීමට නියමිතයි.

ඒ හේතුවෙන් පෙරහර ගමන් ගන්නා කාලය තුළ එම මාර්ග භාවිත කරන රියදුරන් හා මහජනතාව වෙත පහත විකල්ප මාර්ග භාවිත කරන ලෙසටයි පොලීසිය ඉල්ලීමක් කළේ.