කොරියානු භාෂා විභාගය ගැන දැනුම්දීමක්

2025 දකුණු කොරියානු භාෂා ප්‍රවීණතා විභාගය සඳහා අයදුම්කරුවන් ලියාපදිංචිය තවමත් ආරම්භ කර නොමැති බව ශ්‍රී ලංකා විදේශ සේවා නියුක්ති කාර්යාංශය පවසයි.

ඒ හේතුවෙන් අදාළ ලියාපදිංචි කරන බවට මේ දිනවල සමාජ මාධ්‍ය ඔස්සේ හා අන්තර්ජාලය ඔස්සේ සංසරණය වන දැන්වීම් ව්‍යාජ බව ඔවුන් සඳහන් කරයි. ශ්‍රී ලංකා විදේශ සේවා නියුක්ති කාර්යාංශයේ අතිරේක සාමාන්‍යාධිකාරි (ජාත්‍යන්තර කටයුතු) සෙනරත් යාපා මහතා මෙලෙස අදහස් පළ කළේය.

“EPS වැඩසටහන යටතේ දකුණු කොරියාවනු  රැකියා සදහා යොමුවීමට අවශ්‍ය මූලික අවශ්‍යතාවයක් ලෙස භාෂා විභාගය හැදින්විය  හැකිය. එය TOPIK විභාගයි. මෙම විභාගය වරින් වර කාර්යංශය විසින්  කොරියානු මානව සම්පත් සංවර්ධන  (HRD) ආයතනයේ  අනුදැනුම මත ප්‍රසිද්ධියට පත් කරනු ලැබේ.නමුත් මේ දිනවල,විශේෂයෙන් ම අද (02) දින සමාජ මාධ්‍ය තුළ සංසරණය වන දැන්වීම ව්‍යාජ දැන්වීමකි. 

කාර්යංශය විසින් නිකුත් කළා යැයි හැගවෙන පරිදි සකස් කළ ,මෙම දැන්වීමේ අන්තර්ගත වන්නේ ” EPS TOPIK  විභාගය සදහා අප්‍රේල් මාස 3 වෙනිදා සිට 6 දක්වා අයදුම්පත් කැඳවන බවය. මෙම දැන්වීම  කාර්යංශය විසින් නිකුත් කරනු ලැබු දැන්වීමකට සමානව ව්‍යාජ දැන්වීමක්  සමාජ මාධ්‍ය සංසරණය වෙනු ඇත.ශ්‍රී ලංකා විදේශ සේවා නියුක්ති කාර්යංශය EPS TOPIK විභාගය  සම්බන්ධයෙන් එවැනි කිසිදු   අයදුම්පත්‍ර  කැදවීමක් මේ වන විට සිදු  නොවෙයි.

එමෙන්ම එවැනි දැනුම්දීමක්  කොරියානු මානව සම්පත් සංවර්ධන ආයතනය  විසින්  තවමත්  කාර්යංශය වෙත දැනුම් දීමක් සිදු කර  නොමැත. එබැවින්  දකුණු කොරියානු  රැකියා විභාගය සදහා  අපේක්ෂාවෙන්  සිටින   ඔබට ප්‍රකාශ  කරන්නේ. අද (02) දින සංසරණය වන දැන්වීම ව්‍යාජ දැන්වීමක් වන අතර එය  ශ්‍රී ලංකා විදේශ සේවා නියුක්තිකි කාර්යංශයේ  දැනුවත් වීමක් තොරව නිකුත් කරන ලද දැන්වීමක් බවයි.

මෙහි සදහන් කර ඇත්තේ ද  කාර්යංශයේ ගිණුමයි. එමගින් පැහැදිලි වෙන්නේ ඉතාමත් සංවිධානතමකව කිසියම්  කණ්ඩායමක්, අයදුම්කරුවන් නොමග යැවීම සදහා සිදු කරන ලද දැන්වීමක් බවයි.එබැවින් මේ සදහා හසු නොවන ලෙසත් කිසිවෙකුට මුදල් ගෙවීමෙන් වලකින ලෙසත් ඉල්ලා සිටිනවා. සැම විටම නිවැරදි තොරතුරු ගැනීම සදහා විදේශ සේවා නියුක්ති  කාර්යංශයේ නිල  වෙබ් අඩවිය පරිශීලනය කරන්න.”