ලෝක ප්‍රකට යූ ටියුබ් තරුව මිස්ටර් බීස්ට්, ප්‍රේමණීයව පටන් ගත්ත නව වසර
ලෝක ප්‍රසිද්ධ යූ ටියුබ් තරුව 26 හැවිරිදි මිස්ටර් බීස්ට් (MrBeast) හෙවත් ජේම්ස් ඩොනල්ඩ්සන්, 2025 නව වසර පටන් අරන් තිබුණෙ හරිම ආදරණීය විදියට.
ඒ, සිය 27 හැවිරිදි පෙම්වතිය වන තියා බූයිසන් (Thea Booysen) සමඟ විවාහ ගිවිස ගැනීමත් එක්ක.
දෙන්නගෙ විවාහ ගිවිස ගැනීම ප්‍රසිද්ධ කරලා තිබුණෙ ඊයේ වුණත්, ගිවිස ගැනීම සිදුවෙලා තිබුණෙ නම් නත්තල් දිනය දා.
පවුලේ අයව වටකරගෙන හරිම ආදරණීය විදියට කළ ගිවිස ගැනීමක් ඒක.
නත්තල් දා තෑගි අතර තමයි, බීස්ට් ඇය වෙනුවෙන් සූදානම් කළ මුදුව සඟවලා තියෙන්නෙත්.
”තියා ඇත්තටම ඇගේ පවුලට සමීපයි.
ඒ නිසා මට අවශ්‍ය වුණා ඔවුන් මේ වැදගත් අවස්ථාවට එකතු කරගන්න.
නත්තල සාර්ථකයි…”
මිස්ටර් බීස්ට් – තියා බූයිසන් ප්‍රේම කතාව පටන් ගන්නෙ 2022 දි.
ගිවිස ගැනීමෙන් පස්සෙ යුවළ කියලා තිබුණා, දෙන්නත් එක්ක සමීපයින් සමඟ කෙරෙන සරල විවාහ උත්සවයක් සැලසුම් කරන බවක්.
‘‘අපි උත්සාහ කරන්නේ නැහැ විශාල, අතිවිශේෂ මංගල උත්සවයක් පවත්වන්න.
හැමෝගෙන්ම ඈත් වෙලා පිහිටි දූපතක එය පවත්වන්නයි හිතාගෙන ඉන්නෙ..”
