වැස්ස ගැන කාලගුණයෙන් දැනුම්දීමක්
බොහෝ ප්‍රදේශවල අද (28) සවස් කාලයේ දී හෝ රාත්‍රී කාලයේදී තැනින් තැන වැසී හෝ ගිගුරුම් සහිත වැසි ඇති වන බව කාලගුණ විද්‍යා දෙපාර්තමේන්තුව පැවසීය.
ඒ අනුව මධ්‍යම සබරගමුව ඌව නැගෙනහිර සහ උතුරු මැද පළාත්වලත් වවුනියාව මුලති වූ සහ කුරුණෑගල දිස්ත්‍රික්කවලත් ඇතැම් ස්ථානවලට මි.මි. 100 ක පමණ තද වැසි ඇතිවිය හැකිය.
අන්තර් නිවර්තන අභිසාරි කලාපය ( උතුරු අර්ධ ගෝලයේ සහ දකුණු අර්ධ ගෝලයේ සිට පැමිණෙන සුළං අභිසාරි නව කලාපය) දිවයිනේ කාලගුණයට බලපෑම් එල්ල කරමින් පවතින බවයි එම දෙපාර්තමේන්තුව සඳහන් කළේ.
චන්දන ලක්මාල්