ටෙලි අහස සරසන්න සැරසෙන ‘කුරුල්ලෝ’ – අද සිට සතියේ දිනවල සවස 6.20 ට ස්වර්ණවාහිනියෙන්
ලාංකීය ටෙලි කතා අතරට, අද (ජනවාරි 7) සිට එකතු වන වෙනස්ම ආකාරයේ නිර්මාණයක් තමයි ‘කුරුල්ලෝ‘
‘කුරුල්ලෝ’,අද සිට සතියේ දිනවල සවස 6.20 ට ස්වර්ණවාහිනී නාලිකාව ඔස්සේ ඔබේ ආලින්දය සැරසීමට නියමිතයි.
ගෙවුණු කාලය තුළ සමාජ මාධ්‍ය වේදිකාවන්හි මේ නවතම ටෙලි අත්දැකීම ගැන ලොකු කතාබහක් නිර්මාණයව තිබුණා.
ඊට ප්‍රධානතම කාරණාවක් තමයි, ටෙලි තිරය සරසන ‘කුරුළු රංචුව’
එහෙමත් නැත්නම්, ”කුරුල්ලෝ” ඔබ වෙත අරන් එන කණ්ඩායම. ඒක හරි අපූරු සුසංගෝගයක් කිව්වොත් හරි.
ප්‍රවීණ සහ නව පරපුර අපූරුවට ගැළපුණු ටෙලි සිත්තමක් මේ.
නිරෝෂන් විජේසිංහ, ෆර්නි රෝෂිනි, සුරංගි රුවන්මලී, දිනෙල්ක මුතුආරච්චි, මදාරා සෙව්වන්දි, අනුරාධ මල්ලවාරච්චි ගමගේ, සෙනාලි ෆොන්සේකා, කාවිංග පෙරේරා, කවින්ද්‍යා අධිකාරි, දිලිප් කුමාර කෝරළගේ, නිමේෂ් විරංග, තීක්ෂණ ශ්‍රී විජේසිංහ, බිමල් රසාංජය, සපුමල් චන්ද්‍රසිරි, චතූ ගම්ලත් සහ සංජලී කාරියප්පෙරුම
ඒ තමයි ස්වර්ණවාහිනිය ඔස්සේ ඔබේ ආලින්දය සරසන ‘කුරුළු රංචුව’
කුරුල්ලෝ ටෙලි නිර්මාණය, අධ්‍යක්ෂ ගවිඳු දීසුර විසින් කළ අපූරු වැඩක්. එහි කතා සංකල්පය සහ තිර රචනයත් ඔහුගේම වීම විශේෂයි.
මෙහි නිෂ්පාදනය ප්‍රමුඛ ආදිත්‍ය විසින්. සංස්කරණය සහ වර්ණ සංයෝජනය දිනෙල්ක මුතුආරච්චි. සහය අධ්‍යක්ෂණය ධනුෂ්ක එන් පෙරේරා. සංගීත අධ්‍යක්ෂණය ලකී ලක්මිණ. කැමරා අධ්‍යක්ෂණය උපුල් ප්‍රියාන්.
එහෙනම් අපි ඔබට ආරාධනා කරනවා, අද සිට සෑම සතියේ දිනකම සවස 6.20 ට ‘කුරුල්ලෝ’ ටෙලි අහසේ පියාසර කරන අපූරුව දැකබලා ගන්නා හැටියට….