ජුනි මාසයේ උද්ධමනය පහළට

ජනලේඛන සහ සංඛ්‍යාලේඛන දෙපාර්තමේන්තුව විසින් ජුනි මාසය සඳහා ශ්‍රී ලංකාවේ ජාතික පාරිභෝගික මිල දර්ශකය සහ මාසික පාරිභෝගික උද්ධමනය ප්‍රකාශයට පත් කර තිබේ.

ඒ අනුව 2025 මැයි මාසයේ දී 0.6% ක් ලෙස වාර්තා වූ මෙරට උද්ධමනය 2025 ජුනි මාසය සඳහා 0.3% ක් දක්වා පහත වැටී ඇත.

මැයි මාසයේ දී 5.9 % ක් ලෙස වාර්තා වූ ආහාර කාණ්ඩයේ ලක්‍ෂ්‍යමය උද්ධමනය  ජුනි මාසයේ දී 4.2% ක් දක්වා පහත වැටී ඇති බව ජනලේඛන සහ සංඛ්‍යාලේඛන දෙපාර්තමේන්තුව සඳහන් කරයි.

එමෙන්ම, 2025 මැයි මාසයේ දී -3.4 % ක් වූ ආහාර නොවන කාණ්ඩයේ ලක්‍ෂ්‍යමය උද්ධමනය 2025 ජුනි මාසයේ දී -2.8% ක් දක්වා වැඩිවී තිබේ.