GMOA වර්ජනය තාවකාලිකව අත්හිටුවයි
රජයේ වෛද්ය නිලධාරීන්ගේ සංගමය ක්රියාත්මක කළ වැඩවර්ජනය අද (06) පෙරවරු 08.00 සිට තාවකාලිකව අත්හිටුවීමට තීරණය කර ඇත.
ලබන බ්රහස්පතින්දා අමාත්යවරයා සමග සිය ගැටළු සාකච්ඡා කිරීමට අවස්ථාව ලබා දීම පදනම් කරගනිමින් සිය වර්ජනය තාවකාලිකව අත්හිටුවීමට තීරණය කළ බව එම සංගමයේ ලේකම් වෛද්ය ප්රභාත් සුගතදාස මහතා වැඩි දුරටත් සදහන් කරනවා.
ඒ අනුව අද (06) විදෙස්ගත වන සෞඛ්ය අමාත්ය නලින්ද ජයතිස්ස මහතා යළි දිවයිනට පැමිණීමෙන් පසු ලබන බ්රහස්පතින්දා අදාළ සාකච්ඡාව පැවැත්වීමට නියමිත බව ද සඳහන්වේ.
දේශපාලන මැදිහත්වීම් මත වෛද්යවරුන්ගේ ස්ථානමාරුවීම් සිදු කිරීම නැවැත්වීම ඇතුළු ඉල්ලීම් කිහිපයක් මුල් කරගනිමින් රජයේ වෛද්ය නිලධාරීන්ගේ සංගමය මෙම වැඩවර්ජනය ආරම්භ කර තිබුණා.