Vanuatu භූමිකම්පාවෙන් මියගිය සංඛ්‍යාව 14 දක්වා ඉහළට
දකුණු පැසිෆික් සාගරයේ ඔස්ට්‍රේලියාවට ආසන්නයේ පිහිටි වනුවාටු හි ඇති වූ භූමිකම්පාවෙන් මියගිය සංඛ්‍යාව 14 දක්වා ඉහළ ගොස් ඇති බව විදෙස් මාධ්‍ය වාර්තා කරනවා.
සුන්බුන් අතර දිවි ගලවා ගත් පිරිස් සෙවීමේදී මෙලෙස පුද්ගල මළ සිරුරු හමුව ඇති බව සඳහන්.
ඊයේ ඇති වූ භූමිකම්පාව රිච්ටර් මාපකයේ 7.3 ක ප්‍රබලත්වයෙන් යුත් එකක් බවයි වාර්තා වූයේ.
ඉන් දෙසීයක පමණ පිරිසක් තුවාල ලබා තිබුණා.
එමෙන්ම භූමිකම්පාවෙන් තානාපති කාර්යාල ඇතුළු ගොඩනැගිලිවලට හානි සිදුවූ බවත් සඳහන්.