මත්ද්‍රව්‍ය තොගයක් සමග සුපවේදියෙකු අත්අඩංගුවට
පොලිස් නිලධාරියකුට ලැබුණු තොරතුරක් මත පානදුර පොලිසිය කළ වැටලීමකදී රුපියල් ලක්ෂ 75 කට ආසන්න වටිනාකමකින් යුත් හෂිෂ් මත්ද්‍රව්‍ය තොගයක් සමග සුපවේදියෙකු අත්අඩංගුවට ගත් බව කළුතර අපරාධ කොට්ඨාසය සමත් වී තිබේ.
මෙසේ අත්අඩංගුවට ගෙන ඇත්තේ පානදුර අළුබෝමුල්ල ප්‍රදේශයේ පදිංචි 38 හැවිරිදි පුද්ගලයෙකි.
මෙම මත්ද්‍රව්‍ය විදෙස් රටක සැඟවී සිටින ප්‍රබල ජාවාරම්කරුවෙකුට අයත් මත්ද්‍රව්‍ය බවට හඳුනාගෙන ඇති බවය.
එම සැකකරු පරීක්ෂා කිරීමේදී පොලිතින් බෑගයක සඟවාගෙන සිටි හෂිෂ් මත්ද්‍රව්‍ය කිලෝ එකයි ග්‍රෑම් 870 ක් ජාවාරමට යොදාගත් ජංගම දුරකථන දෙකක් සොයාගත් බව පොලිසියේ පැවසීය.
ඒ අනුව සැකකරු පානදුර මහේස්ත්‍රාත් අධිකරණයට ඉදිරිපත් කිරීමට නියමිත අතර රැඳවුම් නියෝග ලබා ගැනීමට නියමිත බව පොලිසිය වැඩිදුරටත් සඳහන් කළේය.
චන්දන ලක්මාල්