එංගලන්තයේ ටොම් සහ සෑම් කරන්ගෙන් සහෝදරයා වන බෙන් කරන්ට සිම්බාබ්වේ වෙනුවෙන් ටෙස්ට් වරම්
සංචාරක ඇෆ්ගනිස්ථාන කණ්ඩායම සහ සිම්බාබ්වේ කණ්ඩායම අතර පළමු ටෙස්ට් ක්‍රිකට් තරගය අද (26) බුලවායෝහිදී ආරම්භ වුණා.
කාසියේ වාසිය දිනා ප්‍රථමයෙන් පන්දුවට පහර දෙන සිම්බාබ්වේ කණ්ඩායම මීට සුළු වේලාවකට පෙර කඩුලු 02ක් දැවි ලබා සිටින ලකුණු සංඛ්‍යා 131ක්.
මෙම තරගයේදී බෙන් කරන්, නිව්මාන් න්‍යම්හුරි සහ ට්‍රවෝර් ගෞන්ඩු සිම්බාබ්වේ කණ්ඩායම වෙනුවෙන් ටෙස්ට් වරම් දිනාගත්තා.
බෙන් කරන් එංගලන්ත ක්‍රිකට් කණ්ඩායම නියෝජනය කරන ටොම් කරන් සහ සෑම් කරන්ගේ සහෝදරයා වීමත් විශේෂත්වයක්.
සිම්බාබ්වේ කණ්ඩායමේ ආරම්භක පිතිකරු ලෙස ක්‍රීඩා කළ ඔහු එහිදී අර්ධ ශතකයක් රැස්කරගැනීමට සමත් වුණා.