නෝර්වේහි බස් රථ අනතුරකින් තිදෙනෙක් මරුට
නෝර්වේහි බස් රථ අනතුරකින් පුද්ගලයින් තිදෙනෙකු මිය ගොස් ඇති බව විදෙස් වාර්තා පවසනවා.
මෙම අනතුර සිදුවී ඇත්තේ එරට වයඹ වෙරළ තීරය ප්‍රදේශය ආශ්‍රිතව හැඩ්සෙල් දිස්ත්‍රික්කයේ දේශීය වේලාවෙන් පස්වරු 13:30 ට පමණ බව සඳහන්.
ඒ නාර්වික් නගරයේ සිට ලොෆොටන් දූපත් සමූහය දක්වා ගමන් කරමින් සිටි අතරතුරයි.
බස් රථය මාර්ගයෙන් ඉවතට පැන අසලවූ ඕස්වට්නෙට් විලට වැටී තිබෙනවා.
අනතුර සිදුවන අවස්ථාවේ එහි පුද්ගලයින් 58 දෙනෙකු සිටි ඇති අතර ඔවුන්ගෙන් බොහෝ දෙනෙක් විදේශිකයන් බවයි පොලීසිය පවසන්නේ.
මරණවලට අමතරව, පුද්ගලයින් හතර දෙනෙකු බරපතල තුවාල ලබා ඇති අතර තුවාලවූවන් හෙලිකොප්ටරයක් මගින් අසල වූ රෝහලකට රැගෙන ගොස් තිබෙනවා.
ගිනි නිවන, ගිලන් රථ සහ පොලිස් කණ්ඩායම් ද එම ස්ථානයේ ගලවාගැනීමේ කටයුතු වෙනුවෙන් අනුයුක්ත කර ඇතත්, ප්‍රදේශයේ දැඩි හිම පතනයන් සහ තද සුළං ගලවා ගැනීමේ උත්සාහයන් දුෂ්කර කර ඇති බව සඳහන්.