කාන්තා වෙස් ගත් අද්භූත පුද්ගලයෙක් නිසා ගමක් භිතියෙන් ඇළලී යයි

මිනිසුන් හා ත්‍රිරෝද රථ පසුපස හඹා යන කාන්තා වෙස් ගත් අද්භූත පුද්ගලයෙකු හේතුවෙන් මේ දිනවල මීගහකිවුල පහල ගෙදර හා ඒ අවට ප්‍රදේශවල ජනතාව බියට පත්ව තිබෙනවා.

ප්‍රදේශයේ ත්‍රීරෝද රථ රියදුරන් ඇතුළු කිහිප දෙනෙකුටම මීගහකිවුල ප්‍රදේශයේ අතුරු පාරවල් කිහිපයකදීම මෙම අද්භූත පුද්ගලයා හමුවී ඇති බවයි ප්‍රදේශවාසීන් සඳහන් කළේ.

මෙම අද්භූත පුද්ගලයාගෙන් මෙතෙක් කිසිවකුටත් හානියක් සිදුව නැහැ.

කෙසේ වෙතත් ජනතාව බියට පත් කර කිසියම් සොරකමකට කිසිවෙකු සැරසෙන්නේද යන්න පිළිබඳ බියක් පවතින බවයි ප්‍රදේශවාසීන් පවසන්නේ.

මීගහකිවුල - එන් නවරත්න