ශ්‍රී ලංකාවේ නිල් මැණිකක් ‘නිව් යෝර්ක් ටයිම්ස්’ පුවත්පතේ අවධානයට
ශ්‍රී ලංකාවෙන් සොයාගත් නිල් මැණිකක් පිළිබඳ තොරතුරු ඇතුලත් දැන්වීමක් ඉකුත් 27 වැනි දා ‘The New York Times’ පුවත්පතේ පළවී තිබේ.
මෙම මැණික එහි ඇති වර්ණය, විශාලත්වය සහ ස්වභාවික බව නිසා ජාත්‍යන්තර අවධානය දිනාගෙන ඇත.
දැන්වීමේ සඳහන් කර ඇත්තේ මෙය ශ්‍රී ලංකාවේ සබරගමුව පළාතෙන් සොයාගත් බවයි. එහි බර කැරට් 9.15ක් ලෙස සඳහන් කර ඇත.
Royal Blue වර්ණය සහිත මෙම මැණික Cushion-cut ආකාරයෙන් කැපී ඇත. එහි මිල ඇමරිකානු ඩොලර් $178,000ක් ලෙස දක්වා ඇත.
මෙම දැන්වීම පළවී ඇත්තේ ලෝකයේ ප්‍රමුඛතම මැණික් හා රත්‍රන් වෙළඳාම සඳහා වන වාර්තා සහ දැන්වීම් සඳහා වන ප්‍රවෘත්ති ඇතුළත් අංශයකය.
මෙවැනි දැන්වීම් ශ්‍රී ලංකාවේ මැණික් කර්මාන්තයට විශ්වාසය සහ ආයෝජන ආකර්ෂණය වැඩි කරන බව විචාරකයෝ පෙන්වා දෙති.
මෙම නිල් මැණික මේවන විට ‘Ceylon Sapphire’ ලෙස ලෝකය පුර ප්‍රසිද්ධියට පත්ව ඇත.
සඳුනි තිලකරත්න