වැලිගම වෙඩිතැබීමට පුද්ගලයෙක් අත්අඩංගුවට

පසුගිය 04 වනදා මාතර, වැලිගමදී සිදුකළ වෙඩිතැබීමේ සිද්ධියට ආධාර අනුබල දුන් බවට සැකකරන පුද්ගලයෙක් ඊයේ (06) රාත්‍රියේ අත්අඩංගුවට ගෙන තිබෙනවා.

මාතර කොට්ඨාස අපරාධ විමර්ශන කාර්යංශයේ නිලධාරීන් කණ්ඩායමක් විසින් අදාල සැකකරු අත්අඩංගුවට ගෙන තිබෙන බව සඳහන්.

අත්අඩංගුවට ගත් සැකකරු වල්ලිවල, වැලිගම ප්‍රදේශයේ පදිංචි 24ක් හැවිරිදි තරුණයෙක්.

සැකකරු අනාවරණය කරගන්නා ලද තොරතුරු මත අපරාධය සිදු කිරීමට භාවිතාකළ යතුරුපැදියක්ද පොලිස් භාරයට ගෙන තිබෙනවා.

වැලිගමදී පුද්ගලයින් පස් දෙනෙකුට යතුරුපැදි 03කින් පැමිණි නාඳුනන පිරිසක් විසින් සිදු කළ වෙඩි තැබීමෙන් පුද්ගලයින් දෙදෙනෙකු තුවාල ලබා වලාන රෝහලට ඇතුළත් කිරීමේදී එක් පුද්ගලයෙකු මියගොස්තිබුණා.

සිද්ධිය සම්බන්ධයෙන් මාතර කොට්ඨාස අපරාධ විමර්ශන කාර්යංශය, වැලිගම හා මාතර පොලීස් ස්ථාන මගින් වැඩිදුර විමර්ශන සිදුකරනු ලබයි.