30.12.2024 සඳුදා

රාහු කාලය

අද – 07.51 සිට 09.21 දක්වා
හෙට – 03.22 සිට 04.52 දක්වා

මේෂ

ශුභාශුභ මිශ‍්‍ර ඵල දෙයි. තරමක් රාජකාරි බහුල දිනකි. ශුභවාදී ක‍්‍රියාකාරකම්වල යෙදේ. දහමට ළැදිව ක‍්‍රියා කරයි. තම ඥාති මිත‍්‍රාදීන් ඒකරාශීව ළැදිව ක‍්‍රියා කරයි. හදිසි ලාභ දෙයි. ශිරෝගත රෝග මතු කරයි.

ශුභ වර්ණය – රතු/ ජය අංකය – 05

වෘෂභ

ක‍්‍රියාකාරකම් බහුල දිනකි. සුහදතා වර්ධනයවන ක‍්‍රියාකාරකම්වල යෙදේ. නවක මිතුදම් ඇති වෙයි. තරමක් බලාපොරොත්තු නොවන ලෙස වැයපස ද ඉහළ යයි. අමතර ලාභ ද ලබයි. බඩවැල් ආශ‍්‍රිත රෝග මතු කරයි.

ශුභ වර්ණය – සුදු/ ජය අංකය – 02

මිථුන

ක‍්‍රියාකාරි දිනකි. උත්සව සභා වැනි දේවල් යෙදෙන අතර නවක සබඳතා වර්ධනය වෙයි. නව නිර්මාණ ඇරඹීමට හේතුයි. යාන වාහන ලාභ ලබයි. තම ඥාතීන්ගෙන් උදව් උපකාර ද ලබයි. මුත‍්‍රා ආසාදන රෝග මතු කරයි.

ශුභ වර්ණය – කොළ/ ජය අංකය – 06

කටක

ක‍්‍රියාකාරි දිනකි. ප‍්‍රීති උත්සව සාද වැනි දේවල් යෙදේ. ආගමික උත්සව වැනි දේවල් ද යෙදේ. හදිසි ගමන් බිමන් යෙදේ. දුරස්ථ වූ ඥාතීන් සමීප වෙයි. හදිසි ධන ලාභ ලබයි. වැයපස ද ඉහළ යයි. සෙම් කෝප රෝග, උෂ්ණ රෝග මතු කරයි.

ශුභ වර්ණය – රෝස/ ජය අංකය – 04

සිංහ

ශුභාශුභ මිශ‍්‍රඵල දෙයි. ගුරුවරු, දෙමව්පියන් සමග ඒකරාශීව ක‍්‍රියා කරයි. දහමට ළැදිව ක‍්‍රියා කරයි. දාන ශීලාදී ගුණදහම්වල යෙදේ. උත්සව සාද වැනි දේවල් ද යෙදේ. ස්නායුගත රෝග, නහර වේදනා මතු කරයි.

ශුභ වර්ණය – තැඹිලි/ ජය අංකය – 01

කන්‍යා

ගමන් බිමන් යෙදේ. වන්දනා ගමන්, විනෝද ගමන් යෙදෙන අතර ඥාති මිත‍්‍රාතා බහුල වෙයි. පොදු සමාජ සද්කාරක ක‍්‍රියාකාරකම් ආදියෙහි යෙදේ. ආගමික පුද පූජා වැනි ක‍්‍රියාකාරකම්වලට සහභාගි වේ. අම්ල වාත රෝගාදිය මතුවේ.

ශුභ වර්ණය – රන්වන්/ ජය අංකය – 03

තුලා

ක‍්‍රියාකාරි දිනකි. සුපුරුදු ක‍්‍රියාකාරකම්වලින් අත්මිදී දහමට ළැදිව ක‍්‍රියා කරයි. දාන ශීලාදී ක‍්‍රියාකාරකම්වල ද යෙදෙන දිනකි. පොදු උත්සව, සමිති සමාගම්වලට ද සහභාගි වීමේ අවස්ථා යෙදේ. සෙම් බහුල රෝග මතුවේ.

ශුභ වර්ණය – ක‍්‍රීම්/ ජය අංකය – 07

වෘශ්චික

ශුභාශුභ මිශ‍්‍ර ඵල දෙයි. ආගමික උත්සව සංවිධාන කිරීම්, ඒවාට සහභාගිවීම් ආදියට හේතුයි. තම ඇසුරු කරන්නෝ ද දහමට යොමු කරවයි. තරමක් විය පැහැදම් අධික වන දිනකි. ශාරීරික පීඩා, ආමාශගත රෝග මතු කරයි.

ශුභ වර්ණය – දුඹුරු/ ජය අංකය – 09

ධනු

ක‍්‍රියාකාරි දිනකි. රාජකාරි සමග අමතර ක‍්‍රියාකාරකම් මත අවිවේකය ඇති කරයි. තරමක් සිත් චංචල කරවයි. නවක මිතුදම් ඇති කරවයි. අන්සතු දේපළ උරුමයකට හේතු සෑදේ. උෂ්ණ රෝග මතු කරවයි.

ශුභ වර්ණය – ළා රෝස/ ජය අංකය – 01

මකර

ශුභාශුභ මිශ‍්‍ර ඵල දෙයි. තම ඥාතීන්ගේ අවශ්‍යතා මත වැයපස ඉහළ යයි. මතවාදවලට තුඩුදෙන ක‍්‍රියාවනට හේතු වේ. ඉවසීමෙන් ක‍්‍රියා කළ යුතුය. හදිසි ධන ලාභ ලබයි. සෙම් කෝප රෝග මතු කරයි.

ශුභ වර්ණය – දුඹුරු/ ජය අංකය – 08

කුම්භ

ක‍්‍රියාකාරි දිනකි. තරමක් වැයපස ඉහළ යන කරුණු යෙදේ. අන් අයගේ අවශ්‍යතා මත ද ක‍්‍රියා කරයි. දහමට ද ළැදිව කටයුතු කරයි. මහජන සබඳතා වර්ධනය වන කරුණු කාරණා යෙදේ. කාස, ස්වාස රෝගවලට හේතුයි.

ශුභ වර්ණය – තැඹිලි/ ජය අංකය – 07

මීන

ක‍්‍රියාකාරි දිනකි. තනතුරු ලාභ ලබයි. තරමක් වගකීම් බහුල දිනකි. ගමන් බිමන් බහුල වෙයි. තරමට වඩා වැයපස ඉහළ යයි. දෙවරක් සිතා බලා ක‍්‍රියා කළ යතු දිනකි. හදිසි රෝග, කැපුම් කෙටුම්වලට හේතුයි.

ශුභ වර්ණය – දම්/ ජය අංකය – 09