මිල මුදල් තරමක් වැයවන-හදිසි ලාභ ද ගෙන දෙන දිනයකි

අද දවස ඔබට කොහොම ද?

මිල මුදල් තරමක් වැයවන-හදිසි ලාභ ද ගෙන දෙන දිනයකි

2024.12.27 සිකුරාදා

රාහු කාලය

අද – 10.50 සිට 12.20 දක්වා
හෙට – 09.20 සිට 10.50 දක්වා

මේෂ

ක්‍රියාශීලි වන අතර රාජකාරි මෙන්ම අමතර ක්‍රියාකාරකම් යෙදෙන අවිවේකී දිනකි. උත්සව සාද වැනි දේවල්වලට සහභාගි වීමේ අවස්ථා යෙදේ. විනෝදජනක ක්‍රියාවන්හි නියැළෙන අතර වැයපස ඉහළ යන දිනකි. සිරසගත රෝග මතු කරයි.

ශුභ වර්ණය – දුඹුරු/ ජය අංකය – 07

වෘෂභ

ක්‍රියාකාරි දිනකි. කාර්යබහුලයි. විනෝදජනක ක්‍රියාවන් සහ ගමන් බිමන් යෙදෙන, අලංකාර කටයුතු සඳහා යොමුවන, වැයපස ඉහළ යන දිනකි. නවක මිතුදම්, ප්‍රේම සබඳතා යෙදේ. සන්ධි රෝග, ඉදිමුම් ඇතිවේ.

ශුභ වර්ණය – අළු පැහැය/ ජය අංකය – 02

මිථුන

ගමන් බිමන් යෙදේ. නව ව්‍යාපාර ඇරඹීමට හේතු ගෙන දෙයි. තම ඥාතීන්ගෙන් උදව් උපකාර ලබයි. ආගමික වතාවත් ගරු කරන අතර විනෝදජනක ක්‍රියා ආදියෙහි යෙදේ. මූල රෝග, භගන්දර රෝග මතු කරයි.

ශුභ වර්ණය – රන්වන්/ ජය අංකය – 04

කටක

ක්‍රියාශීලි දිනකි. රාජකාරි ද බහුල වෙයි. තම ඥාති මිත්‍රාදීන් ඒකරාශිව ක්‍රියාකරයි. තම නිවස උත්සව ශ්‍රියාවක් ගෙන දෙයි. මිල මුදල් තරමක් වැයවන අතර හදිසි ලාභ ද දෙයි. සෙම් කෝප රෝග, උෂ්ණ රෝග දේ.

ශුභ වර්ණය – ක්‍රීම්/ ජය අංකය – 05

සිංහ

දහමට ළැදිව ක්‍රියා කරයි. දාන මානාදි කුශල කර්මවල යෙදේ. වැයපස ඉහළ යයි. සුහද සිතින් ක්‍රියා කරයි. නවක මිතුදම් ඇති වෙයි. පැරණි මිතුදම් වර්ධනය වෙයි. ස්නායුගත රෝග මතු කරයි.

ශුභ වර්ණය – තැඹිලි/ ජය අංකය – 01

කන්‍යා

ගමන් බිමන් බහුල වේ. වන්දනා ගමන්, ආගමික වැඩසටහන්වලට අවතීර්ණව ක්‍රියා කරයි. තරමක් වැයපස ඉහළ යයි. සහන සිතුවිලි මත ක්‍රියා කරයි. ඥාති මිත්‍රාදීන් සමීපව ක්‍රියා කරයි. මුත්‍රා ආසාදන ඇති කරවයි.

ශුභ වර්ණය – කොළ/ ජය අංකය – 06

තුලා

ආගමානුකූල ක්‍රියාවනට මුල් තැන දෙයි. ගමන් බිමන් ද යෙදේ. ඥාති මිත්‍රාදීන් ඒකරාශිව ක්‍රියා කරයි. දුරස්ථවූ ඥාතීන් සමීප කරවන ක්‍රියා යෙදේ. නවක මිතුරුදම් ඇති වෙයි. ඍජු ගුණ මතු කරයි. සෙම් රෝග, උෂ්ණ රෝග මතුවේ.

ශුභ වර්ණය – සුදු/ ජය අංකය – 03

වෘශ්චික

දාන ශීලාදී ගුණ ධර්මවල යෙදෙන අතර තම ඥාති මිත්‍රාදීන් ඒකරාශීව ක්‍රියා කරයි. ආගමික උත්සවවලට ද සහභාගි වෙයි. තරමක් මිල මුදල් වැය කෙරේ. සහන සිතුවිලි මත ක්‍රියා කරයි. සන්ධි ප්‍රදාහ රෝග මතුවේ.

ශුභ වර්ණය – රතු/ ජය අංකය – 08

ධනු

ක්‍රියාකාරකම් බහුල දිනකි. ප්‍රීති සාද යෙදේ. දාන ශීලාධි ගුණ ධර්ම දියත් කරයි. තම ඥාති මිත්‍රාදීන් ඒකරාශීව ක්‍රියා කරයි. ආගමික උත්සවවලට සහභාගි වෙයි. හදිසි ලාභ ලැබීම්වලට ද හේතුයි. සෙම් කෝප රෝග මතුවේ.

ශුභ වර්ණය – කහ/ ජය අංකය – 01

මකර

අවිවේකී බවක් දෙන දිනකි. ආගමික චාරිත්‍ර ගරු කරන අතර තම ඇසුරින් දුරස්ථ වූවන් ඇසුරට පත්වන ක්‍රියා ද යෙදේ. සුහදතා වර්ධන ක්‍රියාවන් දියත් කරයි. මහජන ප්‍රසාදයට පත්වන කරුණු කාරණා යෙදේ. සන්ධි ප්‍රදාහ රෝග මතු කරයි.

ශුභ වර්ණය – නිල්/ ජය අංකය – 08

කුම්භ

ශූභවාදී ඵල මතු කරයි. මංගල සාද යෙදේ. දහමට අවතීර්නව ක්‍රියා කරයි. ආධ්‍යාත්මික ගුණවගාවන්වල යෙදෙන අතර දාන මානාදි පුණ්‍ය ක්‍රියාවන්හිද යෙදේ. මානසික රෝග ඉස්මතු වෙයි.

ශුභ වර්ණය – තද රෝස/ ජය අංකය – 05

මීන

වන්දනා ගමන් බිමන් යෙදේ. දානශීලාදි ගුණධර්මවල යෙදෙන අතර පරෝපකාරව ක්‍රියා කරන දිනකි. මිල මුදල් තරමක් වැයවේ. ආගමික උත්සවවලට සහභාගි වීමේ අවස්ථා ද යෙදේ. සෙම් ආසාදන රෝග මතු කරයි.

ශුභ වර්ණය – දම්/ ජය අංකය – 09

Share This