ශ්‍රීපාද වන්දනා සමය අදින් ඇරඹේ

ලබන වසරේ මැයි 13 වැනිදා දක්වා ක්‍රියාත්මක 2024/2025 ශ්‍රීපාද වන්දනා සමය අදින්(14) ආරම්භ වනවා.

ශ්‍රීපාද මළුවේ කළ විශේෂ ආගමික වතාවත්වලින් අනතුරුව වන්දනා සමය අද(14) අලුයම ආරම්භ කෙරුණා.

ශ්‍රීපාද වන්දනා සමයේ කටයුතු කළ යුතු ආකාරය පිළිබද දැනුම් දෙමින්, රත්නපුර දිස්ත්‍රික් ලේකම්වරයාගේ අත්සනින් අති විශේෂ ගැසට් නිවේදනයක් ද නිකුත් කර තිබෙනවා.

නිසි සෞඛ්‍ය මාර්ගෝපදේශ පිලිපදිමින් බැතිමතුන් සිරිපා කරුණා කල යුතු බව ගැසට් නිවේදනය මඟින් අවධාරණය කර ඇති බව සඳහන්.

ශ්‍රී පාද වන්දනා සමය අවසන් වූ පසු සමන් දේව ප්‍රතිමාව සහ දේවාභරණ ශ්‍රී පාදස්ථානයේ සිට පැල්මඬුල්ල ගල්පොත්තාවෙල ශ්‍රී පාද විහාරස්ථානයේ පිහිටි විශේෂ කුටියක තැන්පත් කරනවා. එලෙස තැන්පත් කරන සමන් දේව ප්‍රතිමාව සහ දේවාභරණ නැවත එම විශේෂ කුටියේ සිට පිටතට වැඩම කරවීම සිදුකරන්නේ ශ්‍රී පාද වන්දනා සමය යළි ආරම්භ වීමත් සමගයි.

අතිවිශේෂ ගැසට් නිවේදනය පහතින්