බ්රික්ස් සමුළුවට ජනපති ගියානම්! ඉන්ධන මීට කලින් ලැබෙනවා
ශ්රී ලංකා පොදුජන පෙරමුණේ ජාතික සංවිධායක Namal Rajapaksa මහතා පවසන්නේ, ජනාධිපතිවරයා BRICS සමුළුවට සහභාගී වූයේ නම් ශ්රී ලංකාවට තෙල් ලබා ගැනීම සරලව සිදු කළ හැකිව තිබූ බවයි.
ඔහු මෙම අදහස් පළ කළේ අද (28) නෙළුම් මාවත පිහිටි පක්ෂ මූලස්ථානයේ පැවති මාධ්ය හමුවකදීය.
මගහැරුණු කාලීන අවස්ථාව
නාමල් රාජපක්ෂ මහතා පෙන්වා දෙන්නේ, BRICS සමුළුවේදී රුසියාව වැනි රටවල් සමඟ සෘජු සම්බන්ධතා ගොඩනඟා ගැනීමට හැකි වූ අවස්ථාව ජනාධිපතිවරයා විසින් මගහැර ඇති බවයි. එම අවස්ථාව භාවිතා කළේ නම්, ඉන්ධන සැපයුම පහසු හා අඩු වියදමකින් ලබාගැනීමට හැකි විය හැකි බවද ඔහු සඳහන් කළේය.
තෙල් මිල සහ ජනතා බර
වත්මන් තත්ත්වය යටතේ ආණ්ඩුව ලෝක වෙළඳපොළ මිලට වඩා වැඩි මුදලකට ඉන්ධන මිලදී ගන්නා බවත්, එම අමතර වියදම අවසානයේ ජනතාවට බදු සහ මිල වැඩිවීම් ලෙස පටවන බවත් ඔහු චෝදනා කළේය.
ආර්ථික අර්බුදය සහ බදු පීඩනය
ඔහු පෙන්වා දෙන්නේ, අධික බදු ප්රතිපත්තිය ,ජීවන වියදම ඉහළ යාම ,ජනතාවට පැටවෙන අතිරේක ආර්ථික බර මෙම සියල්ල නිසා ජනතාව දැඩි පීඩනයකට ලක්ව ඇති බවයි. ආණ්ඩුව දේශීය කෘෂිකර්මය ශක්තිමත් කිරීම වෙනුවට ආනයන මත පදනම් වූ ප්රතිපත්තියක් අනුගමනය කර ඇති බවයි.
එහි ප්රතිඵල ලෙස,පොහොර ගැටලු,ආහාර මිල ඉහළ යාම,ආහාර සුරක්ෂිතතාව පිළිබඳ අර්බුද වර්ධනය වී ඇති බව ඔහු අවධාරණය කළේය. ඔහු ආණ්ඩුවට අවධාරණය කරන්නේ, ජනතාවට දරාගත හැකි මිලකට අත්යවශ්ය ආහාර ලබාදීමට ගොවියා ශක්තිමත් කිරීමට නිවැරදි ආර්ථික තීරණ ගන්නා ලෙසයි.