සමාජ මාධ්ය තුළ ඩිජිටල් ආරක්ෂණ පියවර වැඩි දියුණු කිරීමට සහාය ලබාගැනීම පිළිබඳව විශේෂ සාකච්ඡාවක්
සමාජ මාධ්ය තුළ ඩිජිටල් ආරක්ෂණ පියවර වැඩි දියුණු කිරීමට සහාය ලබාගැනීම පිළිබඳව මෙටා (Meta) සමාගමෙහි නියෝජිතයින් සමග විශේෂ සාකච්ඡාවක් අද (18) පස්වරුවේ සෞඛ්ය හා ජනමාධ්ය අමාත්යාංශයේ දී පැවැත්විණි.
මෙම සාකච්ඡාවේ දී ව්යාජ තොරතුරුවලට එරෙහිව, නිවැරදි තොරතුරු ජනගත කිරීම පුළුල් කිරිම කෙරෙහි මෙන්ම තොරතුරු පිළිබඳව ඩිජිටල් අන්තර්ගතයේ නිරවද්යතාවය වැඩි දියුණු කිරීම කෙරෙහි ද අවධානයක් යොමු විය.
මෙරට තරුණ ප්රජාව මෙන්ම පාසල් දරුවන්ගේ ජීවිත අවදානමට ලක්කර ඇති විෂ මත්ද්රව්ය උවදුර සහ විෂ මත්ද්රව්ය ජාවාරම තුරන් කිරීමේ අරමුණ ඇතිව රජය ක්රියාත්මක ක්රියාත්මක කරන “රටම එකට – ජාතික මෙහෙයුම” වැඩසටහනට සමගාමීව තරුණ පරම්පරාව අතර නීති විරෝධී මත්ද්රව්ය භාවිතය පිළිබඳ වර්ධනය වන ගැටලු වලට පිළියම් යෙදීම සඳහා ශ්රී ලංකා රජය සහ මෙටා සමාගම එක්ව කටයුතු කළ හැකි ආකාරය පිළිබඳවත් මෙහිදි සාකච්ඡා කෙරිණි.
ඒ අනුව මත්ද්රව්ය උවදුරට එරෙහිව සටන් කිරීම, මත්ද්රව්ය වැළැක්වීම සහ දැනුවත්භාවය ඇති කිරීම සම්බන්ධීකරණයෙන් කටයුතු කිරීම සඳහා රජය බහුවිධ අංශ එකට ගෙන එන “රටම එකට” ජාතික වැඩසටහන සඳහා සිය උපරිම සහයෝගය ලබාදෙන බව ද මෙටා සමාගම නියෝජනය කරමින් මෙම සාකච්ඡාවට පැමිණි නියෝජිතයන් අවධාරණය කරන ලදි.
මෙම විශේෂ වූ සාකච්ඡාව සඳහා රජයේ ප්රවෘත්ති අධ්යක්ෂ ජනරාල් හර්ෂ බණ්ඩාර, මෙටා සමාගම නියෝජනය කරමින් මධ්යම ආසියාව, මොන්ගෝලියාව, ශ්රී ලංකාව සහ මාලදිවයින යන අංශවල රාජ්ය ප්රතිපත්ති ප්රධානී, සෙනුර අබේවර්ධන, දකුණු ආසියාව සඳහා මහජන ප්රතිපත්ති සහකාර කළමනාකරු ටෙහාරා පුංචිහේවා, ආසියා පැසිෆික් ආරක්ෂක ප්රතිපත්ති ප්රධානී ප්රියංකා භල්ලා, “රටම එකට” ජාතික මෙහෙයුම් කමිටුවේ සහ Rebuilding Sri Lanka ජනාධිපති කාර්ය සාධක බළකායේ සාමාජිකා මන්දනා ඉස්මයිල් අබේවික්රම යන මහත්ම මහත්මීන් එක්ව සිටියහ.