ශ්‍රී ලංකාව ලකුණු 610ක් පිටුපසින්
සංචාරක ඔස්ට්‍රේලියානු කණ්ඩායම සහ ශ්‍රී ලංකා කණ්ඩායම අතර පැවැත්වෙන පළමු ටෙස්ට් ක්‍රිකට් තරගයේ දෙවන දිනය අද (30) නිමාවට පත්වුණා.
තරගය නතර කරන විට සිය ප්‍රථම ඉනිම සඳහා පන්දුවට පහර දෙන ශ්‍රී ලංකා කණ්ඩායම කඩුලු 03ක් දැවි ලබාගෙන සිටින ලකුණු සංඛ්‍යාව 44ක්.
ඒ අනුව ඔවුන් ඔස්ට්‍රේලියානු පළමු ඉනිමට වඩා ලකුණු 610ක් පිටුපසින් පසුවන්නේ කඩුලු 07ක් අතැතිවයි.
කමිඳු මෙන්ඩිස් ලකුණු 13ක් සහ දිනේෂ් චන්දිමාල් ලකුණු 09ක් ලබා නොදැවි පන්දුවට පහර දෙනවා.
තරගයේ ප්‍රථමයෙන් පන්දුවට පහර දුන් ඔස්ට්‍රේලියානු කණ්ඩායම කඩුලු 06ක් දැවි ලකුණු 654ක් ලබා සිටියදී සිය ඉනිම අත්හිටුවීමටයි කටයුතු කළේ.
එහිදී උස්මාන් කවාජ ලකුණු 232ක්, ස්ටීවන් ස්මිත් ලකුණු 141ක් සහ ජෝෂ් ඉංග්ලීෂ් ලකුණු 102ක් රැස්කරගැනීමටයි සමත් වුණේ.
පන්දුයැවීමේදී ප්‍රභාත් ජයසූරිය ලකුණු 193ක් ලබාදී කඩුලු 03ක් ජැෆ්රි වැන්ඩර්සේ ලකුණු 182කට කඩුලු 03ක් ද දවාගත්තා.
තරගය පැවැත්වෙන්නේ, ගාල්ල ජාත්‍යන්තර ක්‍රිකට් ක්‍රීඩාංගණයේදීයි.