වරාය අධිකාරියේ සභාපති ධුරය ආචාර්ය පරාක්රම දිසානායකට
ආචාර්ය පරාක්රම දිසානායක ශ්රී ලංකා වරාය අධිකාරියේ සභාපති ධුරයට නිල වශයෙන් පත්කර තිබේ. ආචාර්ය දිසානායක මීට පෙර අවස්ථා දෙකකදී ශ්රී ලංකා වරාය අධිකාරියේ සභාපතිවරයා ලෙස කටයුතු කර ඇති අතර සමුද්රීය මෙහෙයුම්ල සැපයුම් සහ ආයතනික කළමනාකරණය පිළිබඳ ඔහුට අත්දැකීම් ඇත. ඔහු එයිට්කන් ස්පෙන්ස් පීඑල්සී සහ එහි අනුබද්ධ සමාගම්වල නායකත්ව භූමිකාවන් ඇතුළුව රාජ්ය හා පෞද්ගලික යන අංශ දෙකෙහිම ජ්යෙෂ්ඨ තනතුරු දරා ඇත. ඔහු ජාතික වරාය කළමනාකරණ සහ උපදේශක තනතුරුවල ද සේවය කර තිබේ. අන්තර්ජාතිකවල ආචාර්ය දිසානායක වරලත් නැව් තැරැව්කරුවන්ගේ ආයතනයේ පළමු බ්රිතාන්ය නොවන සභාපතිවරයා වූ අතර එක්සත් ජාතීන්ගේ සමුද්රීය උපදේශන වැඩසටහන් සඳහා ද සහභාගී වී ඇත.