ලලිත් මෝදි තම විදේශ ගමන් බලපත්‍රය අවලංගු කිරීමට එරෙහිව වනුවාටු අධිකරණයට යයි
ඉන්දියාවේ අපරාධ වැරදි සම්බන්ධයෙන් අවශ්‍ය කර සිටින ලලිත් මෝදි වනුවාටු රජය විසින් ඔහුට ලබා දී තිබූ විදේශ ගමන් බලපත්‍රය අවලංගු කිරීමට ගත් තීරණයට අභියෝග කරයි. ඒ අනුව නිරිතදිග පැසිෆික් දූපතේ උසාවියකදී ඔහුගේ නඩුව පිළිබඳව පෞද්ගලිකව වාද කරනු ඇත.
අගමැති ජෝතම් නැපට් තම පුරවැසිභාවය අවලංගු කිරීමට ගත් තීරණයට එරෙහිව අභියාචනා කරමින් මෝදි වනුවාටු අධිකරණයේ නඩුවක් ගොනු කර ඇති බව පැවසුවේ ඔහුට සමීප එක්සත් රාජධානියේ ආරංචි මාර්ගයකිනි.
මේ පිළිබඳව අදහස් දක්වමින් වනුවාටු අගමැති කාර්යාලය ප්‍රකාශ කර ඇත්තේ ලලිත් මෝදිගේ වනුවාටු විදේශ ගමන් බලපත්‍රය අවලංගු කිරීම සඳහා කටයුතු ආරම්භ කරන ලෙස නැපට් පුරවැසි කොමිසමට උපදෙස් දී ඇති බවයි.
කොමිසම යනු පුරවැසි අයදුම්පත් සමාලෝචනය කිරීම, අනුමත කිරීම, කල් දැමීම හෝ ප්‍රතික්ෂේප කිරීම සඳහා වගකිව යුතු ව්‍යවස්ථාමය ආයතනයකි. පුරවැසි පනත හෝ වෙනත් අදාළ නීති උල්ලංඝනය කරමින් පුරවැසිභාවය ලබා දෙන්නේ නම් එය අවලංගු කිරීමට ද එයට බලය ඇත.
ඉන්දියානු ජාතිකයෙකු වන මෝදි දැනට නඩුවට එරෙහිව සටන් කරමින් සිටියි. කෙසේ වෙතත් ඔහු සඳහා මෙතෙක් පිටුවහල් කිරීමේ ඉල්ලීමක් ලැබී නොමැත.
සඳුනි තිලකරත්න