මීගමුවට හා කටානට හෙට පැය 16ක ජල කප්පාදුවක්

මීගමුව හා කටාන යන ප්‍රදේශ සඳහා හෙට (12) පෙ.ව 8 සිට මධ්‍යම රාත්‍රී 12 දක්වා පැය 16ක ජල කප්පාදුවක් සිදුකරන බව ජාතික ජල සම්පාදන හා ජලාපවහන මණ්ඩලය පවසා සිටිනවා.

මීගමුව මහ නගර සභා සීමාවට අයත් සියලුම ප්‍රදේශවල, කටාන ප්‍රාදේශීය සභාවට අයත් ප්‍රදේශය හා ඇතියාවල, ජන්කුරවෙල, කළුවරිප්පුව, මිරිස්වත්ත, කෝන්ගොඩමුල්ල, හල්පේ, ඇණ්ඩිමුල්ල, අම්බලයාය, තොප්පුව, වයික්කාල යන ග්‍රාම නිලධාරී වසමට මෙලෙස ජල කප්පාදුව බලපැවැත් වෙන බවද සදහන්.

බම්බුකුලිය ජල පිරිපහදු මධ්‍යස්ථානයේ  නඩත්තු කටයුතු හේතුවෙන් මෙලෙස ජල සැපයුම අත්හිටවන බව ජාතික ජල සම්පාදන සහ ජලපවහන මණ්ඩලය දැනුම් දෙයි.

මේ පිළිබඳව කනගාටුව පළ කරන අතර, අරපිරිමැස්මෙන් ජලය පරිභෝජනය කරන ලෙස ද ජාතික ජල සම්පාදන සහ ජලපවහන මණ්ඩලය ජනතාවගෙන් දුරටත් ඉල්ලා සිටිනවා.