පාස්කු ප්රහාරයේ සැබෑ කුමන්ත්රණකරුවන් හඳුනාගෙන නීතියට අනුව දඬුවම් කළ යුතුයි
පාස්කු ප්රහාරය සම්බන්ධයෙන් සාධාරණ, විනිවිද පෙනෙන සහ අපක්ෂපාතී පරීක්ෂණයකට අපි විරුද්ධ නොවේ. විශ්වාසදායක පරීක්ෂණයක් අපි ස්ථිරවම සහාය දක්වන අතර, මෙම ම්ලේච්ඡ ත්රස්ත ක්රියාව පිටුපස සිටි සැබෑ කුමන්ත්රණකරුවන් හඳුනාගෙන නීතිය හමුවේ දඬුවම් ලැබිය යුතු බවට තරයේ විශ්වාස කරමු. යනුවෙන් සිය X ගිණුමේ සටහනක් තබමින් පාර්ලිමේන්තු මන්තී නාමල් රාජපක්ෂ පවසා සිටිනවා. එහි සම්පූර්ණ සටහනේ සාරංශය පහතින් වෙයි.
ශ්රී ලංකාවේ වසර තිහකට ආසන්න කාලයක් පැවති ත්රස්තවාදය පරාජය කිරීමේ දීර්ඝ අරගලයේදී සැලකිය යුතු කාර්යභාරයක් ඉටු කළ, ගෞරවනීය හමුදා නිලධාරියෙකු වන මේජර් ජෙනරාල් සුරේෂ් සලේ මහතාගේ සේවය අතිශයින් ප්රශංසනීය වේ. ජාතික ආරක්ෂාව වෙනුවෙන් ඔහු දැක්වූ දායකත්වය අමිලය.
කෙසේ වෙතත්, පසුගිය වසර කිහිපය පුරාවට මනඃකල්පිත මහජන මතයන් සහ දේශපාලනිකව බලපෑම් කරන ලද ආඛ්යාන ප්රචාරය කරමින්, ජෙනරාල් සැල්ලේ මහතා පාස්කු ඉරිදා ත්රස්ත ප්රහාරයට සම්බන්ධ කිරීමට උත්සාහ දරා ඇත. එම අවස්ථාවේදීම, බරපතල වැරදි සහ යුතුකම් පැහැර හැරීම් සිදුකළ වගකීම් දරන්නන් එවැනිම පරීක්ෂණයකට මුහුණ දී නොමැත. සත්ය වශයෙන්ම, නිල කොමිසන් වාර්තා මගින් නොසැලකිල්ලට වරදින්නන් ලෙස නම් කරන ලද සමහර පුද්ගලයින් පසුව වත්මන් රජය සමඟ පෙළගැසී ඉහළ තනතුරුවලින් පිදුම් ලබන අතර, ජෙනරාල් සැල්ලේ මහතා පමණක් ඉලක්ක කර විමර්ශනයකට ඇද දමනු ලැබීම පැහැදිලි කුහකත්වයකි. මෙම විරුද්ධාභාසය විමර්ශනයේ විශ්වසනීයත්වය පිළිබඳ බරපතල සැකයක් මතු කරයි.
පාස්කු ප්රහාරය සම්බන්ධයෙන් සාධාරණ, විනිවිද පෙනෙන සහ අපක්ෂපාතී පරීක්ෂණයකට අපි විරුද්ධ නොවේ. විශ්වාසදායක පරීක්ෂණයක් අපි ස්ථිරවම සහාය දක්වන අතර, මෙම ම්ලේච්ඡ ත්රස්ත ක්රියාව පිටුපස සිටි සැබෑ කුමන්ත්රණකරුවන් හඳුනාගෙන නීතිය හමුවේ දඬුවම් ලැබිය යුතු බවට තරයේ විශ්වාස කරමු.
කෙසේවුවද, වර්තමානයේ පරීක්ෂණය ගමන් කරන දිශාව සාධාරණත්වය සහ වාස්තවිකත්වය පිළිබඳ සැකයක් ඇති කරයි. රජය සමඟ පෙළගැසුණු කටහඬවල් දේශපාලන ප්රතිවාදීන්ට එරෙහිව මහජන මතය හැඩගැස්වීමට සහ පරීක්ෂණය කලින් තීරණය කළ නිගමන කරා ගෙන යාමට උත්සාහ කරන්නේ නම්, එය යුක්ති ක්රියාවලිය පිළිබඳ මහජන විශ්වාසය බිඳ වැටීමේ අවදානමක් ඇති කරයි.
කලාපයේ සංවේදී භූ දේශපාලනික වර්ධනයන් සිදුවන මොහොතක, මෙම ගැටළුව ශ්රී ලංකාවේ දිගුකාලීන මිත්ර රටවල් අපහසුතාවයට පත් කළ හැකි ආකාරයෙන් භාවිතා කිරීමේ ප්රවණතාවක් පිළිබඳ කනස්සල්ලක් ද මතු වී තිබේ. සමහර රජයේ නියෝජිතයින් දැනටමත් යම් යම් රටවල් සම්බන්ධ බවට ප්රසිද්ධියේ අදහස් පළ කර ඇති අතර, එය සම්පූර්ණයෙන්ම සාක්ෂි පදනම් කරගත් සහ අධිකරණමය කටයුත්තක් ලෙස පැවතිය යුතු කාරණය දේශපාලනීකරණය කිරීමේ අවදානමක් ඇත.
පාස්කු පරීක්ෂණය දේශපාලන එදිරිවාදිකම් හෝ භූ දේශපාලනික අරමුණු සඳහා යොමු කිරීම නොකළ යුතුය. වත්මන් රජය බලයට පත්වූයේ ඛේදවාචකයට ගොදුරු වූවන්ට සහ ඔවුන්ගේ පවුල්වලට යුක්තිය ඉටුකර දෙන බවට පොරොන්දු දෙමිනි. නමුත් වර්තමාන වර්ධනයන් එම පොරොන්දුව ගරු කරනු ලබන්නේද යන්න සහ විමර්ශනයේ අඛණ්ඩතාව පවත්වා ගෙන යනු ලබන්නේද යන්න පිළිබඳ බරපතල ප්රශ්න මතු කරයි.