කොහුවල බේකරියක ගින්නක්

කොහුවල, වුඩ්ලන්ඩ් මාවත ක්‍රීඩාංගණය අසල බේකරියක අද (02) දින උදෑසන හදිසි ගින්නක් ඇතිවී තිබෙනවා.

දෙහිවල ගිනිනිවීම් සේවා දෙපාර්තමේන්තුව විසින් ගිනි නිවීමේ රථයක් හා ජල බවුසර් එකක් යොදා ගින්න පාලනයට කටයුතු කර ඇති බවට වාර්තා වනවා.

ගින්න පාලනය කිරීමෙන් අවට ගොඩනැගිලිවලට පැතිර ගොස් සිදුවීමට තිබූ විශාල විනාශයක් ද වළක්වා ගැනීමට හැකිවුණා.

ගින්නට හේතුව හෝ සිදුවූ අලාභය ගණනය කර නොමැති අතර කොහුවල පොලීසිය හා ගිනිනිවීම් සේවා දෙපාර්තමේන්තුව එක්ව පරීක්ෂණ සිදු කරගන යනු ලබයි.