කොස්ගොඩ මාදැල් වරායේ මාළු දැලක කිඹුලෙක්

(අහුන්ගල්ල – ඒ. සිවනෙත්ති)
මිරිදිය වතරෙන් පිරි ඇළ දොළවල්වල මෙතෙක් කක් සිටි කිඹුලන් දැන් මහ මුහුදටත් හුරු වී සිටිති කොස්ගොඩ ගල්බොක්ක මාදැල් වරායේ 13 වැනිදා ගොඩ අදින ලද මාළු මාදැලකට දැවැන්ත කිඹුලෙකු අසු වී තිබිණි.
කොස්ගොඩ ගල්බොක්කේ හෙන්රි ද සොයිසා මහතාට අයත් මාදැලකට මෙම දැවැන්ත කිඹුලා හසුවී තිබිණි.
හික්කඩුව වනජීවී කාර්යාලයට දැනුම් දීමෙන් පසු කිඹුලා ගෙන ගොස් තිබේ. මේ හේතුවෙන් දැලට විශාල හානියක් සිදු වී තිබෙන බව පවසන ධීවරයෝ පසුගිය දිනවල ඇති වූ මහා වර්ෂාවෙන් පසු ගංගාවල සිටි කිඹුලන් මෙසේ මුහුදට එන්න ඇතැයි විශ්වාස කරන බවත්, මේ අයුරින් කිඹුලන් ගහනය මුහුදේ ඇති වුවහොත් ඉදිරියේ දී ධීවර රැකියාව කිරීමට නොහැකි වන බවත් මේ පිළිබඳව කඩිනම් පියවරක් ගන්නා ලෙස රජයෙන් ඉල්ලා සිටින බවත් කීහ.