කසිප්පු අල්ලන්න ගිය පොලිස් නිලධාරියෙකුට වෙඩි වදී

කන්දකැටිය පොලිස් වසමේ අග්ගලා උල්පොත කැලෑබද ප්‍රදේශයේ වැට⁣ලිමක් සිදුකරමින් සිටියදි බදින ලද තුවක්කුවක් පත්තුවීමෙන් අද (26) දහවල් පොලිස් නිලධාරියෙකු තුවාල ලබා ඇති බව පොලිසිය පවසනවා.

මෙහිදි තුවාල ලබා ඇත්තේ පොලිස් කොස්තාපල් ජනක (78477) නැමැති අයෙකු බවද පොලිසිය සඳහන් කළා.

⁣තුවාල ලත් මෙම නිලධාරියා ඇතුළු පස් දෙනෙකු ගෙන් යුත් කණ්ඩායමක් විසින් අද (26)දින පෙරවරුවේ අග්ගලා උල්පොත කැලෑබද ප්‍රදේශයේ පෙරනු ලබන නිති විරෝධී මත්පැන් සොයා විශේෂ මෙහෙයුමක් ක්‍රියාත්මක කරමින් සිටියදි මෙම අනතුරට ලක්වී තිබෙනවා.