උසස් පෙළ විභාගය තවත් දින තුනකින් කල් යයි: විභාග කොමසාරිස්ගෙන් දැනුම්දීමක්

පවතින අයහපත් කාලගුණ තත්ත්වය හේතුවෙන් උසස් පෙළ විභාගය තවත් දින තුනක් නොපැවැත්වීමට විභාග දෙපාර්තමේන්තුව තීරණය කර තිබෙනවා.

ඒ අනුව 2024 උසස් පෙළ විභාගය දෙසැම්බර් 4 වන බදාදා දින නැවත ආරම්භ කරන බවයි විභාග කොමසාරිස් ජනරාල් අමිත් ජයසුන්දර මහතා සඳහන් කළේ.

උසස්පෙළ විභාගය සම්බන්ධයෙන් මේ වන විට පැවැත්වෙන විශේෂ ප්‍රවෘත්ති සාකච්ඡාවේදී ඔහු මේ බව සඳහන් කළා.

ඒ අනුව නොවැම්බර් 30, දෙසැම්බර් 2 සහ 3 වන දින යන්හි දීද උසස් පෙළ විභාගය නොපැවැත්වීමට විභාග දෙපාර්තමේන්තුව තීරණය කර තිබෙනවා.

උසස් පෙළ විභාගය 26 වැනිදා සිට 29 වැනිදා නොපැවැත්වෙන බවයි මීට පෙර දැනුම් දුන්නේ.