2024.12.10 අඟහරුවාදා

රාහු කාලය

අද – 03.11 සිට 04.41 දක්වා
හෙට – 12.12 සිට 01.42 දක්වා

මේෂ

ක්‍රියාකාරකම් බහුලයි. අවිවේකියි. තරමක් වෙහෙසව ක්‍රියා කරයි. බොහෝ කොට අන් අයගේ අවශ්‍යතාවයනට ඉඩ දීමට ද සිදුවේ. සමාජ සත්කාරක ක්‍රියා ද යෙදේ. හදිසි ලාභ ලබයි. සිරසගත රෝග මතුකරයි.

ශුභ වර්ණය – නිල්/ ජය අංකය – 09

වෘෂභ

ගමන් බිමන් බහුල වෙයි. ඉඩකඩම් දේපළ පිළිබඳ ගැටළු ශුභවාදීව විසඳේ. සතුරු බලපෑම් ධමනය කරගැනීමේ ශක්තිය ඇතිවෙයි. විදෙස්ගත වීම් වැනි දේවලට හේතුයි. සෙම්කෝප රෝග ද මතුකරයි.

ශුභ වර්ණය – තැඹිලි/ ජය අංකය – 07

මිථුන

කාර්ය බහුල දිනකි. රාජකාරිවලට අමතර ක්‍රියාකාරකම් මත අතපසුවීම්වලට හේතුයි. තම ළඟම ඥාතීන්ගේ අවශ්‍යතා මත වැයපස ඉහළ යන අතර අමතර ලාභ මතුකරයි. බඩවැල් ආශ්‍රිත රෝග මතුකරයි.

ශුභ වර්ණය – කොළ/ ජය අංකය – 06

කටක

රාජකාරිවලදී ගැටළු මතුකරයි. ගමන් බිමන් ද බහුල දිනකි. ඇසුරුකරන්නන් අතර ප්‍රධානව ක්‍රියා කරයි. තම අරමුණු ජයගනී. ස්වයං රැකියාවල යෙදෙන්නන්ට ශුභ ඵල දේ. හදිසි ධන ලාභ දේ. මුත්‍රා ආසාදන, මේහ රෝග මතුකරයි.

ශුභ වර්ණය – සුදු/ ජය අංකය – 04

සිංහ

ශුභාශුභ මිශ්‍රඵල දෙයි. ගමන් බිමන් බහුල වන අතර දානාදී ගුණදහම්, ශීලාදි ගුණ දහම්වලට මුල් තැන දී ක්‍රියා කරයි. තම ළඟම ඥාතීන් දහමට යොමු කරවන ක්‍රියා ද යෙදේ. ශිරෝ රෝග ගෙල හා සම්බන්ධ රෝග දෙයි.

ශුභ වර්ණය – රෝස/ ජය අංකය – 01

කන්‍යා

දුර ගමන් යෙදේ. විනෝද චාරිකා මෙන්ම දහමට ද යොමු කරවන ක්‍රියා යෙදේ. මහජන සබඳතා වර්ධන ක්‍රියාවන් යෙදේ. තම ඥාතීන් සමග සුහදතා වර්ධන ක්‍රියා ආදියෙහි යෙදේ. සන්ධි රෝග මතුකරයි. වේදනා මතුවෙයි.

ශුභ වර්ණය – රන්වන්/ ජය අංකය – 02

තුලා

රාජකාරි ක්‍රියාවන්ගෙන් දුරස්ථව දහමට යොමුව ක්‍රියාකරන අතර අධ්‍යාත්මික ගුණවගාවන් කෙරෙහි සිත යොමු කරයි. තම ඇසුරුකරන්නන් ද දහමට යොමු කරවයි. වැයපස ඉහළ යයි. රක්ත වාත රෝග, මුත්‍රා රෝග මතුකරයි.

ශුභ වර්ණය – ක්‍රීම්/ ජය අංකය – 07

වෘශ්චික

ක්‍රියාකාරී දිනකි. සමාජ සේවා කටයුතු මෙන්ම ආගමික ක්‍රියාකාරකම් දියත් කරයි. තම ඥාතීන් ඒකරාශීව වන්දනා ක්‍රියාකාරකම්වල යෙදේ. පොදු සේවා, සමාජ සත්කාරක ක්‍රියා ආදියෙහි යෙදේ. සෙම්කෝප රෝග, උෂ්ණ රෝග මතුකරයි.

ශුභ වර්ණය – දුඹුරු/ ජය අංකය – 08

ධනු

ශුභාශුභ මිශ්‍රඵල මතුකරයි. රැකියා ලාභ ලැබීම්වලට තනතුරු ලාභ ලැබීම්වලට හේතුයි. තම වටිනාකම ඇසුරුකරන්නන් අතර ප්‍රචලිත වෙයි. ප්‍රේම සබඳතා වර්ධනය වෙයි. කාර්මික කටයුතු ආදියෙන් ජය ලබයි. සෙම් ආසාදන රෝග සාදයි.

ශුභ වර්ණය – කහ/ ජය අංකය – 03

මකර

ශුභාශුභ මිශ්‍රඵල මතුකරයි. කලක් අතපසුව තිබූ ව්‍යාපාර ආරම්භයට හේතුයි. උගතුන්ගෙන් උදව් උපකාර ද ලබයි. ඇසුරින් දුරස්ථව සිටි තම හිතමිතුරන් සමීප වන කරුණු යෙදේ. භූමිය සම්බන්ධ කටයුතුවලින් ජය ලබයි. සිරසගත රෝග ඉස්මතු කරයි.

ශුභ වර්ණය – දුඹුරු/ ජය අංකය – 08

කුම්භ

ශුභාශුභ මිශ්‍රඵල මතුකරයි. තම ව්‍යාපාරවල පැවැති බාධා ඉවත් වෙයි. තත්ත්වයෙන් උසස් වෙයි. නව නිර්මාණකරණයට ශුභයි. රාජකාරි ස්ථානවල ප්‍රසාදය දිනයි. හදිසි ධන වාසනා ලාභ ලැබීම්වලට හේතුයි. මෞත්‍ර ලිංගික පද්ධතියේ රෝග සාදයි.

ශුභ වර්ණය – දම්/ ජය අංකය – 01

මීන

ශුභ ඵල මතුකරයි. ගමන් බිමන් බහුල වෙයි. හදිසි තීරණ මත ක්‍රියාකිරීම ශුභවාදී නොවේ. ප්‍රබෝධයෙන් ක්‍රියා කරයි. ව්‍යාපාරවල දියුණුවක් පෙනේ. තමන් පසුපස පැමිණි සතුරු බලපෑම් ඉවත් වෙයි. ශරීරයේ ඉදිමුම් රෝගවලට හේතුයි. හෘද රෝග සාදයි.

ශුභ වර්ණය – තද කහ/ ජය අංකය – 05