අපි කිසිම සටන් විරාම යෝජනාවක් ඉදිරිපත් කරේ නැහැ ඉරානයට කළ හානියට වන්දි ගෙවන තෙක් යුද්ධය අඛණ්ඩව ගෙනි යනවා – ඉරානය
ඉරානය විසින් කිසිදු සටන් විරාම යෝජනාවක් ඉදිරිපත් කර නොමැති බව එරට විදේශ අමාත්ය අබ්බාස් අරාග්චි මහතා අවධාරණය කරයි. මාධ්ය ඔස්සේ ප්රචාරය වන ඊනියා සටන් විරාම සැලසුම් සම්පූර්ණයෙන්ම අසත්ය බවත් ඒවා හුදු කටකතා පමණක් බවත් ඔහු පැහැදිලි කළේය.
ඉරානයේ නිල රාජ්ය පුවත් ඒජන්සිය වන IRIB වාර්තා කළ ආකාරයට, අමාත්යවරයා මෙම ප්රකාශය සිදු කර ඇත්තේ මෑතකදී මාධ්යවල පළ වූ, කරුණු පහකින් යුත් යැයි කියන සටන් විරාම සැලැස්මක් සම්බන්ධයෙන් වන පුවත් ප්රතික්ෂේප කරමිනි. එවැනි සැලැස්මක් පිළිබඳව කිසිදු දැනුවත්භාවයක් නොමැති බවත් ඒවා මාධ්ය තුළ පමණක් සංසරණය වන අදහස් බවත් ඔහු අවධාරණය කළේය.
වත්මන් යුද්ධය සම්බන්ධයෙන් ඉරානයේ ස්ථාවරය පැහැදිලි කරමින් අමාත්ය අරාග්චි මහතා වැඩිදුරටත් සඳහන් කළේ, ආක්රමණිකයාට එරෙහිව දඬුවම් පමුණුවන තෙක් සහ ඉරානයට සිදුව ඇති සියලු හානි සම්පූර්ණයෙන් වන්දි ගෙවන තෙක් යුද්ධය දිගටම කරගෙන යන බවයි. එම කොන්දේසි සපුරාලීමෙන් පසුව පමණක් යුද්ධය අවසන් කිරීම සම්බන්ධයෙන් සලකා බැලිය හැකි බවද ඔහු පෙන්වා දුන්නේය.
මෙම ප්රකාශයන් මගින් ඉරානය යුද්ධය නතර කිරීමට අදාළව කිසිදු නිල යෝජනාවක් ඉදිරිපත් කර නොමැති බවත්, යුද්ධය අවසන් කිරීමට නම් තම ඉල්ලීම් සපුරාලිය යුතු බවට වන දැඩි ස්ථාවරය තවදුරටත් පවත්වා ගෙන යන බවත් නිල වශයෙන් තහවුරු වේ.