ගෑස් සිලින්ඩරයක් නිසා ගිනිගත් දුම්රිය මැදිරිය: පුද්ගලයින් 10 දෙනෙකුට දිවි අහිමි වෙයි
දකුණු ඉන්දියාවේ තමිල්නාඩු ප්‍රාන්තයේ, මධුරායි දුම්රිය ස්ථානයේ දුම්රියක මැදිරි කිහිපයක ගින්නක් හටගෙන තිබෙනවා.
ගිනිගත් දුම්රිය මැදිරියේ මගීන් 65 දෙනෙකු ගමන් කර ඇති අතර ගින්නට හසුවීමෙන් මැදිරියේ සිටි මගීන් 10 දෙනෙකු ජීවිතක්ෂයට පත්ව ඇති බවයි වාර්තා වන්නේ. ගින්නට හසුවීමෙන් තුවාල ලබා පුද්ගලයින් 20 දෙනෙකු පමණ රෝහල් ගත කර තිබෙනවා.
දුම්රියේ මුදල් ගෙවා වෙන් කළ මැදිරියක් තුළ ගින්න හටගෙන ඇති අතර එහි ගමන් කර ඇත්තේ උත්තර ප්‍රදේශ් ප්‍රාන්තයේ ලක්නව් සිට පැමිණි පිරිසක්.
මොවුන් අනවසරයෙන් දුම්රිය මැදිරියේ ගෑස් සිලින්ඩරයක් රැගෙන විත් ඇති අතර ගින්නට හේතුව එම ගෑස් සිලින්ඩරය බවටයි තොරතුරු වාර්තා වන්නේ.