ඉන්දීය සිසුවෙකුගේ මල සිරුරක්: ලන්ඩන් විලකින් සොයාගනී
එක්සත් රාජධානියේ මෙට්‍රොපොලිටන් පොලිසිය නැගෙනහිර ලන්ඩනයේ කැනරි වෝෆ් ප්‍රදේශයේ විලකින් අතුරුදහන් වූ ඉන්දියානු සිසුවෙකු වන ගුරාෂ්මන් සිං භාටියාගේ මල සිරුර සොයා ගෙන තිබෙනවා.
ඔහු පසුගිය දෙසැම්බර් 14 වනදා සිට අතුරුදන්ව සිටි බව සඳහන්.
පසුගිය දෙසැම්බර් 14 වනදා රාත්‍රියේ මිතුරන් සමඟ විනෝද චාරිකාවක නිරත වීමෙන් පසු 23 හැවිරිදි මෙම පුද්ගලයා අතුරුදන් වී ඇති බව බ්‍රිතාන්‍ය පොලීසිය පවසනවා.
ගුරාෂ්මන් සිං භාටියා අතුරුදන් වීමෙන් පසුව පොලීසිය ඔහු සොයා පුළුල් විමර්ශන සිදු කළ බව සඳහන්.
සිසුවාගේ මරණය පිළිබඳ පවුලේ සාමාජිකයින් දැනුවත් කර ඇති අතර, ඔහු බ්‍රිතාන්‍යයේ ඩිජිටල් මූල්‍ය පිළිබඳ ශාස්ත්‍රපති උපාධිය හදාරමින් සිට තිබෙනවා.