නව යොවුන් වියේ පෙර නොවූ විරූ පරිහානියක්: ගණිතය, විද්‍යාව සහ කියවීමේ කුසලතා නෑ
නව යොවුන් වියේ දරුවන්ගේ ගණිතය සහ කියවීමේ කුසලතා රටවල් විශාල සංඛ්‍යාවක් පුරා පෙර නොවූ විරූ ලෙස පහත වැටී ඇති බව වාර්තා වනවා.
ආර්ථික සහයෝගිතාව සහ සංවර්ධනය සඳහා වූ පිළිබඳ ජාත්‍යන්තර සංවිධානය සිදුකළ නවතම සමීක්ෂණයකින් මෙම තොරතුරු වාර්තා කරන අතර, මෙම තත්ත්වයට කොවිඩ් සමය තුළ පාසල් වැසීමට දොස් පැවරිය යුත්තේ අර්ධ වශයෙන් පමණක් බව ඔවුන් සඳහන් කරනවා.
පැරිසිය පදනම් කරගත් ආර්ථික සහයෝගීතාව සහ සංවර්ධනය සඳහා වූ සංවිධානය පැවසුවේ, 2000 වසරේ සිට සාමාන්‍යයෙන් අවුරුදු 15ක ළමුන්ගේ කියවීම, ගණිතය සහ විද්‍යා කුසලතා පිළිබඳ සාමාන්‍ය ත්‍රෛවාර්ෂික පරීක්ෂණ ආරම්භ කළ විට කාර්ය සාධනයේ දැඩි පහත වැටීමක් තමන් දැක ඇති බවයි.
අධ්‍යාපන කාර්ය සාධනය පිළිබඳ විශාලතම ජාත්‍යන්තර සංසන්දනය ලෙස ප්‍රතිපත්ති සම්පාදකයින් විසින් සමීපව නිරීක්ෂණය කරන ලද නවතම අධ්‍යයනය සඳහා 700,000 කට ආසන්න නව යෞවන යෞවනියන් පසුගිය වසරේ පැය දෙකක පරීක්ෂණයට සහභාගී වී තිබෙනවා.
සමීක්ෂණයට ලක් කරන ලද රටවල් 81 න් අඩකටත් වඩා පහත වැටීමක් දක්නට ලැබෙන අතර, ජර්මනිය, අයිස්ලන්තය, නෙදර්ලන්තය, නෝර්වේ සහ පෝලන්තය විශේෂයෙන් ගණිත ලකුණුවල තියුණු පහත වැටීමක් පෙන්නුම් කරන බව සඳහන්.
සමීක්ෂණයට අනුව අවුරුදු 15ක් වයසැති ළමයින් හතර දෙනෙකුගෙන් එක් අයෙක් ගණිතය, කියවීම සහ විද්‍යාව පිළිබඳ අඩු දක්ෂතා දක්වන අය ලෙස හඳුනාගෙන තිබෙනවා.
නමුත් සිංගප්පූරුවේ සිසුන් සියලු විෂයයන් සඳහා ඉහළම ලකුණු ලබා ගෙන ඇති බව සඳහන්.